Telman Ümman Tircanlı BƏNÖVŞƏ ƏTİRLİ qar 2020 Redaktorları: Könül Telmanqızı

*“Gedəcəyim bir yer yoxdur” deyənin də gedəcəyi bir yer vardır.

*Mənəviyyatca ac olanların maddi toxluğu mümkün deyil.

*Yalan çirkabdır, yalanı danışan isə çirkab içində çabalayan

həşəratdan başqa bir şey deyil.

*Kim deyir yazma? Yaz, amma elə yaz ki, nə vicdanın sızlamasın, nə də qələm inciməsin.

*Gözünün içinə baxa-baxa yalan danışan biri düşməndən də betər düşməndir.

*Adətən biri danışanda o biriləri dinləyər. Görünən o ki, hamı danışır, bircə nəfər də dinləmir.

*Yalan həqiqəti azdıra bilər, ünvana yetməyinə mane ola bilməz.

*Kimlərin haralarda nələri olmasını yazmaq maraqlı deyil, nələri yoxdur yazsanız, daha maraqlı olar.

*Ucuz adamın dəyərli söz haqqında mülahizələri, çalxalanan dənizdə dənizin köpüklərinə bənzər.