Telman Ümman Tircanlı BƏNÖVŞƏ ƏTİRLİ qar 2020 Redaktorları: Könül Telmanqızı

*Yaxşılara aş, yamanlara quş qoydum.

*Yaradan görmək üçün insana göz, danışmağa dil, eşitməyə qulaq verib. Elə isə özünüzü görməməzliyə vurmayın! Lal olub susmayın! Eşidin kar olmayın! Əks halda sən yoxsan!

*Kişilik statusdur, canında olmayan bu məzmunda danışmasın!

*Biri məni Əlağa Vahidə bənzədirdi, sonra da zayladı. Mən də cavab olaraq yazdım:

Vahid dediyin şairə öz yazdığı bəsdir,

Boş-boş danışan rövzəxana ehtiyacım yox!

*Hara gedirsən get, qarşıda səni etdiklərinin bədəli qarşılayacaq.

*Maddiyat və mənəviyyat. Bu ikisindən biri o birini üstələyərsə, tarazlıq pozular.

*Özündə olmayanı başqasında görmək istəyənin əxlaqı şübhəlidir.

*Qadını başa düşmək üçün xəyanət və riyadan uzaq olmaq yetərlidir, əks halda dərsini bilməyən şagird kimi gözlərini döyərsən.

*Kiməsə söz verib ümidləndirmə, əks halda sözünün dəyəri, özünün hörmətin olmaz.