Telman Ümman Tircanlı BƏNÖVŞƏ ƏTİRLİ qar 2020 Redaktorları: Könül Telmanqızı

*Ən qorxaq adam yaltaq, ən iyrənc iş yaltaqlıqdır.

*Xəstəni Allahın şəfası, təbibin məlhəmi sağaldar.

*Başınız üstündə Allahın kölgəsi var ikən, onun yaratdığının rəsminə nə ehtiyac var?

*Hər gün ləyaqətini itirmiş birini tanıdıqca, insanlığın süquta uğradığına inanmaq məcburiyyətində qalıram.

*Ürək bir parça ət olsa da, içində bir dünya sevgi, o dünyanı tar-mar edə biləcək qədər kin-küdurət ola bilər.

*Yaltaqlıq qadın işi deyil, kişi olana heç yaraşmaz.

*Bu millətin heç kimin yardımına, köməyinə ehtiyacı yoxdur. Haqqını alsa, yetər.

*Məni yandırmazdı iri tonqallar, bir cılız sərsəmin sözü yandırdı.

*Düşmənə güzəşt edən öz ölmünü tezləşdirər.

*İnsanlar bir-birini gördüyü kimi deyil, qəbul etdiyi kimi görür.

*Bu torpağı gəlir mənbəyi kimi deyil, vətən olduğu üçün sevən hər kəsin bayramı mübarək olsun. Dünya durduqca var ol, Azərbaycan!