MR SPEAKER (Onor. Anton Tabone): L-Onor. Farrugia, domanda supplimentari.
ONOR. NOEL FARRUGIA: Jista' l-Ministru almenu jara li ċerti prekawzjonijiet f'dak li huwa ġarr ta' annimali minn razzett għal ieħor, jibqgħu jiġu segwiti? Lili jirriżultali li m'huwiex qed isir follow-up bis-serjeta` f'dan ir-rigward.
MR SPEAKER:Il-Ministru.
ONOR. NINU ZAMMIT: F'pajjiżna għall-grazzja t'Alla l-ebda farm m'huwa mniġġeż bil-marda ta' l-ilsien u d-dwiefer. Kuntrarjament għal dak li qed jgħid l-Onor. Interpellant, lili jirriżultali li fl-irziezet kulħadd jieħu l-prekawzjonijiet kollha biex il-merħliet ma jiġux affetwati minn xi tip ta' mard.
