(İnşaat-mühəndis, xüsusilə də magistrlər dərin professional nəzəri və təcrübi hazırlığa malik olmaqla yanaşı elmi tədqiqatlar sahəsində də minimum bilik və təcrübə qazanmalıdır. Bütün bunlar müxtəlif inşaat materialları, konstruksiyaları və məmulatlarının istehsalı problemlərini yaradıcılıqla həll etməyə imkan verir.
Nəzəri kursun öyrənilməsi və eksperimentlərin aparılması nəticəsində magistr elmi təhqiqatların metodologiyası və metodikasına, planlaşdırılmasına və təşkilinə yiyələnməli, həmçinin elmi tədqiqatın mövzusuna uyğun lazımi informasiyanın seçilməsi və analizini bacarmalı, tədqiqata nəzəri hesablamaları həyata keçirməyi, eksperimentlərin planlaşdırılmasını və aparılmasını, nəticələrin analizini, hesabat, məruzə və məqalələrin tərtibini yüksək elmi səviyyədə yerinə yetirməyi bacarmalıdır.
