131
nafaqat simmetrik yoki asimmetrik kabel juftliklarida, balki binolar ichki
tarmoqlarini
tashkil
etishda
ham
foydalaniladi.
NGN
foydalanuvchilarining aksariyati ko’p qavatli uylarda yashaydi. Bu
holatda keng polosali kirishni tashkil etish ikki
usulda amalga oshirilishi
mumkin. Birinchidan, foydalanuvchilarda yuqorida ko’rib chiqilganidek,
individual tarzda ulash mumkin. Ikkinchidan,
yangi abonent kirish
tarmog’ini yaratish mumkin, bunda keng polosali kirish kanali uy yoki
pod’ezdgacha etkaziladi, keyin abonentlar o’rtasida
xonadonlarga
taqsimlanadi.
5.9-rasm. HPNA va VDSL texnologiyalarini bino ichki
tarmoqlarini yaratishda qo’llash
Eng aktiv foydalanuvchilar shaharning ish markazida joylashganligi
sababli, odatda, uy/xonadonni umumlashtirib ofis deyiladi. Ya’ni, keng
polosali kirish tashkillashtirish uchun ikkita tizim talab qilinadi: ofis
tashqarisi va ichkarisi.
132
HPNA va VDSL texnologiyalari keng polosali kirishning ofis ichki
tizimi uchun ishlab chiqilgan (5.9-rasm), ma’lumotlar uzatish kanalini
tashkil qilish uchun
ular bino ichidagi abonent
telefon simidan
foydalanadi. Ikki texnologiya ham kichik uzunlikdagi – bir necha
metrdan bir necha yuz metrgacha uzunlikdagi kabellarga mo’ljallangan.
Ikkala holatda ham ofis ichki kirish tizimini ta’minlash uchun
uy/pod’ezdning texnik xonalarida HPNA/VDSL konsentratori o’rnatiladi.
Konsentrator NGN transport tarmog’i bilan ofis tashqi kirish
tizimi orqali
ulanadi. Konsentratorning asosiy vazifasi NGN foydalanuvchilari trafigini
birlashtirish va an’anaviy telefon trafigi va ma’lumotlar trafigini
ajratishdan iborat. Ma’lumotlarni taqsimlash muhiti sifatida binoning
telefon
kabellaridan foydalaniladi, kirish tizimi abonentlarning telefondan
foydalanish imkoniyatini saqlab qolishi kerak. Bu erda ikki strategiyani
qo’llash mumkin: 1) binoning telefon trafigi konsentrator orqali VoIP
trafigiga o’zgartiriladi va yagona kirish
kanali orqali NGN transport
tarmog’iga uzatiladi; 2) konsentrator an’anaviy shahar telefon tarmog’iga
alohida kirish kanaliga ega bo’lishi kerak.
Oxirgi vaqtda jahon va yurtimiz amaliyotida operatorlar Triple
Play
xizmatlar
konsepsiyasiga
o’tish
nuqtai
nazaridan
birinchi
strategiyani qo’llaydilar.
Ko’p qavatli uyning qavat va xonadonlarida ofis ichki kirish abonent
qurilmalari o’rnatiladi. Odatda, HPNA texnologiyasi
qurilmalarning keng
spektrini taqdim qiladi: kompyuter platalari, HPNA tashqi personal
adapterlari, HPNA/Ethernet konventerlari va boshqalar. Barcha holatlarda
telefon signallari va kompyuter ma’lumotlari HPNA formatiga (USB
porti, Ethernet yoki maxsus plata orqali) o’zgartiriladi.