Text no. 1 umi kaalo

Text no. 4

Taken from a sixth grade textbook in geography.

arriote bude

arriote bisi rooru loosaminohu, haidirojinetenna hiliemete yinannihunni ikkino daafira, lobo iibbilli wolka afiinorinna uminsa caabbicco kalakanno beeddahe ledo mittoho. konninni kainohunni gobbaiidi bisise 6000 (lee kume) digire sentigireede iibbilli nooseha ikkanna giddiidi bisi kainni 20 (lemo) milioone digire sentigireede ikkanno yine hendanni.

arriote doiccora doitannori addi addiri iimaadda bisubba no.

insano honse pilaaneetta, 31 (sajjinamitte) satelaitta, kume milioone
kiirranni metioraitootaati.
kuri iimaadda bisubba baala gamba yite, arrionniha 1/100 (tibbunni
mitte anga) calla
ikkitenna arrio 99/100 (tibbunni honsaaina honse) anga
amaddanno. arriote budi giddo
jabiidi bisi arrio umoseeti. arriote gaangaaba doitannore
iimaadda bisubbanna arrio umose mitteenni arriote bude yine
woinanni.