Tillar va adabiyot kafedrasi

Bildirishnoma namunalari
O‘zbekiston davlat san’at va madaniyat

---

166 
instituti rektori professor I.J.Yuldashevga
"Xalq ijodiyoti" fakulteti
dekani N.S.Olimovdan 
Mustaqillik bayrami tantanalarini o‘tkazish ishlarining borishi to‘g‘risida 
BILDIRISHNOMA
 
Sizning ko‘rsatmangizga binoan, Mustaqillik bayrami tantanalarini o‘tkazish 
bo‘yicha tuzilgan komissiya a’zolari bilan birgalikda shu yilning 10-11 avgust kunlari 
bayram o‘tkazish uchun mo‘ljallangan maydonni tekshirib chiqdim. Barcha sharoitlar 
qoniqarli ahvolda. Biroq, bezak ishlari uchun qo‘shimcha ravishda sharlar va rangli 
lentalar ajratish zarur deb hisoblayman. 
“Xalq ijodiyoti” fakulteti dekani: 
Imzo
(N.S.Olimov) 
2018.12.08. 
O‘zbekiston davlat san’at va madaniyat rektori
instituti professor I.J.Yuldashevga
“Tillar va adabiyot” kafedrasi
dotsenti A.N.Axrorovadan 
BILDIRISHNOMA
Men 2018-yil 26-avgustdan navbatdagi mehnat ta’tilidan qaytib, o‘z ish 
faoliyatimni davom ettirayotganligimni ma’lum qilaman. 
“Tillar va adabiyot” kafedrasi dotsenti: 
Imzo 
(A.N.Axrorova) 
2018.26.08.
 
MA’LUMOTNOMA 
Bo‘lgan voqea yoki mavjud holatlarni bildirish-axborot berish mazmunida 
ifodalaydigan hujjat ma’lumotnoma deyiladi. Ma’lumotnoma o‘z xususiyati va 
mazmuniga ko‘ra ikkiga: xizmat ma’lumotnomasi va shaxsiy ma’lumotnomaga 
bo‘linadi.
Xizmat ma‘lumotnomasi - muassasa faoliyatiga doir voqea-hodisalarni rasmiy 
ravishda aks ettiradi va tasdiqlaydi, axborot xususiyatiga ega bo‘lgan xilma-xil 
ma’lumotlarni o‘z ichiga oladi, zarur hollarda esa raqamli jadvallar ko‘rinishida 
tayyorlanadi. Taqdim etilayotgan ma’lumotlar ishlab chiqarish va moliyaviy faoliyat, 
xodim (shtat)lar soni, topshiriqlarning bajarilishi, moddiy-tovar boyliklarining 
saqlanishi, mehnat intizomining ahvoli haqida va boshqa xilma-xil masalalar 
to‘g‘risida hozirlanadi. 
Bunday ma’lumotlarga matn mazmunini ochuvchi sarlavha qo‘yilishi lozim. 
Masalan: “Kontrakt to‘lov asosida tahsil olayotgan talabalar soni haqida” kabi. 
Sarlavhadan so‘ng (ba’zan uning tarkibida) xabarga oid sana ko‘rsatiladi. Masalan: 
“2009-yil 1-oktabrdagi holatga ko‘ra” kabi. 
Shaxsiy ma‘lumotnoma - muassasalar tomonidan fuqarolarning turmushi va ish 
faoliyatidagi aksar voqea-hodisalar va holatlarni tasdiqlab beradigan hamda talab 
qilingan joylarga ko‘rsatiladigan rasmiy hujjatdir. Shaxsiy ma’lumotnomalar 
quyidagilarga berilishi mumkin: 

---

167 
- muassasa xodimga uning qayerda, kim bo‘lib va qancha maosh olib ishlashi 
haqida;
- o‘quvchi va talabaga esa qayerda o‘qishi haqida;
- fuqarolik holatlari hujjatlarini qayd qilish (FHHQ - ZAGS); 
- notarial idoralari hamda fuqarolar yig‘inlari raislari shaxsning tug‘ilganligi 
yoki vafot etganligi to‘g‘risida nikoh bo‘lganligi yoki ajralganligi haqida (hujjatlar 
yo‘qolganda);
- tuman va shahar ijtimoiy ta’minot bo‘limi shaxsning nogironligi, 
nafaqasining miqdori, avtomobilga ega emasligi haqida; 
- shifoxonalar kishining sog‘lig‘i (kasal emasligi) haqida;
- mahalla qo‘mita yig‘inlari yoki uy-joy boshqarmalari shaxsning yashash 
joyi, egallab turgan uy-joyining maydoni yoki oila a’zolarining soni haqida 
ma’lumotnomalar beradi.
Shaxsiy ma’lumotnomalar muassasa, idoralar tomonidan fuqarolarning oilaviy 
yoki 
ish 
faoliyatidagi 
holatlarni 
tasdiqlovchi 
hujjat 
sanaladi. 
Xizmat 
ma’lumotnomalaridan farqli ravishda shaxsiy ma’lumotnomalarda ular yo‘llangan 
idora yoki shaxs nomi ko‘rsatilmaydi. Buning o‘rniga matn so‘ngida 
ma’lumotnomaning qayerga berilganligi yoziladi. Masalan: «Uy-joydan foydalanish 
boshqarmasiga taqdim etish uchun berildi» kabi. Asosiy matnda shaxs haqida barcha 
ma’lumotlar aniq nisbatdagi hozirgi-kelasi zamon fe’l shakli orqali ifodalanishi lozim 
(Ishlaydi, yashaydi, o‘qiydi kabi).