Tillar va adabiyot kafedrasi

 
Mashq.
Matnni o‘qing, uning zaruriy qismlarini aniqlang va tavsiflang. 
TARJIMAYI HOL 
Men, Sultonov Davron Otabekovich, 1992-yil 17-iyulda Farg‘ona viloyatining 
Marg‘ilon shahrida ziyoli oilasida tug‘ildim. 
Otam - Sultonov Otabek Rashidovich, Farg‘ona davlat universitetida 
o‘qituvchi bo‘lib ishlaydi. 
Onam - Sultonova Dilobar Majidovna, Marg‘ilon shahar xalq bankda bosh 
hisobchi bo‘lib ishlaydi.
Men 1999-yili Marg‘ilon shahridagi 17-o‘rta maktabga o‘qishga qabul 
qilindim. Maktabda sinf devoriy gazetasi tahrir hay’ati a’zosi bo‘ldim. Tarix faniga 
juda qiziqaman. Bu fan bo‘yicha viloyat olimpiadasida 2-o‘rinni egallaganman. 2008-
yili o‘rta maktabni tugatib, Farg‘ona huquq kollejiga o‘qishga qabul qilindim. 2011-
yili ushbu kollejni muvaffaqiyatli tamomlab, Toshkent davlat yuridik institutiga 
o‘qishga qabul qilindim va 2015-yili ushbu oliy o‘quv yurtini tamomladim. Menga 
“Huquqshunos” mutaxassisligi bo‘yicha imtiyozli diplom berilgan. 2015-yildan 
buyon Farg‘ona “To‘qimachilik” kombinatida huquqshunos lavozimida faoliyat 
yuritmoqdaman.
Uylanganman. Xotinim - Sultonova Malika, Marg‘ilon shahridagi 12-bolalar 
bog‘chasida tarbiyachi bo‘lib ishlaydi.
Ikki farzandning otasiman. O‘g‘lim - Farhod Otabekov va qizim - Shahnoza 
Otabekova, 12-bolalar bog‘chasi tarbiyalanuvchilari. 
Oila a’zolarim va yaqin qarindoshlarim orasida saylash huquqidan mahrum 
bo‘lgan, ta’qibga uchragan, sudlangan yoki tergov qilinganlar yo‘q. 

---

165 
Oilamizdan hech kim chet el safarlarida bo‘lmagan. 
Mening yashash manzilim: Marg‘ilon shahri, Zulfiyaxonim ko‘chasi, 45-uy.
2018-yil 15-sentyabr. (imzo) D.O.Sultonov
 
Mashq.
Quyidagi so‘z va so‘z birikmalarini daftaringizga ko‘chiring va 
ma’nolarini izohlang, so‘ngra ulardan foydalanib, o‘z tarjimayi holingizni yozing. 
Dehqon oilasida tug‘ildim, savdo uyushmasi raisi, bo‘lim mudiri vazifasida 
ishlaydi, maktabni tamomladim, o‘qishga qabul qilindim, lavozimida ishladim, 
a’zosiman, qatnashaman, uylanganman, turmush o‘rtog‘im, jamoat ishi, 
saylanganman.