İRADİ İŞLƏRİMİZDƏ DƏ QEYRİ MÜSTƏQİL FAİLLƏRİK
«Əmrun beynəl əmreyi»1 (cəbr və təfviz arasında olan orta mövqe) məsələsində çox dəqiq olmaq lazımdır. Bu məsələni bilməmək ya cəbrə, ya da təfvizə sürükləyir. Bu orta mövqe, yəni «Əmrun beynəl əmreyi» o qədər dəqiq və lətifdir ki, onu başa düşüb yerinə yetirmək çox çətin məsələdir.
Camaatın işlərində bu məsələni yaddan çıxartmaq lazım deyildir. İnsan ixtiyari işlərində faildir, amma müstəqil fail deyildir. İnsan öz varlığını müstəqil hesab edib, ürəyi hər nə istəsə yerinə yetirə bilməz. Bir işi görəndə ona həyat və qüdrət lazımdır ya yox? «Mən sabah belə edəcəyəm» iddiasnı edənlər görəsən sabaha sağ qalacaqlarına əmindirlərmi? Bir halda ki, Allahdan olan mütləq və həyati asılılığımız bir an belə azalmır.
Dostları ilə paylaş: |
