ÇOX DANIŞMAQ İNSANI HİKMƏTDƏN UZAQLAŞDIRAR
«Təraif» sözü tərifənin cəmidir. Hər kəsin əli çatmayan və insanı təəccübləndirən təzə bir şeyə tərifə deyilir. Rəvayətdə belə nəql edirlər: Öz hikmətinin qeyri adiliyini çox danışmaqla aradan aparan kəs, hikmətdən məhrum olacaqdır. Yəni öz vaxtını boş-boş söhbətlərə sərf edən insan öz hikmətini məhv etməkdən başqa bir iş görmür. Allah-Təala Quranda buyurur: «Onların gizli səhbətlərinin çoxunda xeyir yoxdur. Xeyir ancaq sədəqə verməyə, yaxud yaxşılıq etməyə və ya insanlar arasında sülh yaratmağa əmr edən şəxsin söhbətindədir. Allahın razılığını qazanmaq üçün belə işlər görən şəxsə axirətdə böyük mükafat verəcəyik».1
Həqiqətən fitnə yaratmaq bir iş deyildir, kişi o şəxsə deyirlər ki, fitnəni yatırda bilsin.
Hikmət hər bir insanın daxilindədir. Lakin çox danışmaq onun aşkar olmasının qarşısını alır.
İnsanın qəlbi hikmətin qaynamasından ötrü bir çeşmədir. Həzrət Peyğəmbər (s) bu barədə buyurur: «Kim özünü Allah üçün 40 gün xalis etsə, onun qəlbindən dilinə hikmət çeşməsi axar».2
Dostları ilə paylaş: |
