MÖMİNİN SEVİNC VƏ QƏMGİNLİKLƏ QARŞILAŞMASI
Hər bir şəxs nəfsani istəklərinə yetişəndə özünü xoşhal hiss edir. Amma, əksinə, öz meylinin ziddinə olan şeylərlə qarşılaşanda qəmgin olur.
Bu mömin və kafir üçün eyni olan təbii bir məsələdir. Amma bu məsələdə möminin kafirdən fərqli olan cəhəti budur ki, o, qəlbini bu cür şeylərə bağlamayıb, çətinliklərdə narahat olmur. Sevinc içində olanda da bu hiss onun Allahdan qafil olmasına səbəb olmur. Yəni, çətinlikdə iman qüvvəsilə səbr edərək, Allaha və əbədi axirətə bağlandığı kimi, sevincində də cənnətin əbədi ləzzətlərini yad edərək, onlara çatmağı arzu edir. Belə insanlar dünya şəhvətlərinə bel bağlayıb, qəlbləri necə aram ola bilər? Allah-Təala Quranda buyurur: «Bizimlə qarşılaşacağlarına, qiyamət günü dirilib hüzurumuzda duracaqlarına, cəzamıza yetişəcəklərinə ümid etməyən, axirətdən vaz keçərək dünyanı bəyənib ona bel bağlayan və ayələrimizdən qafil olanların, məhz onların qazandıqları günahlara görə düşəcəkləri yer Cəhəənnəmdir!».1
Dünyanı axirətin çətinlik və əzabından qorxan kimsəni necə qorxuda bilər? İlan sancmış adamı ağcaqanad sancsa, onun nə təsiri olacaqdır?
Dostları ilə paylaş: |
