9. Qurbanlıq Heyvanının Qanını Axıtmaq, Boğazını Və Qida Borusunu Kəsmək - Peyğəmbər – sallallahu aleyhi və səlləm – buyurdu: “Qanı axıdılmış və Allahın adı ilə zikr edilmiş heyvanın ətindən yeyin”.1136 Qurbanlıq heyvanının ətinin yeyilməsi üçün qanının axıdılması vacib şərtlərdən biridir. Ata – rahmətullahi aleyhi – deyir: “Qurbanlıq – iki boğaz damarının kəsilməsidir”. İbn Abbas – radıyallahu anhu - deyir: “Qurbanlıq heyvanının kəsildiyi yer – boğazıdır”. İbn Ömər, İbn Abbas və Ənəs – radıyallahu anhum - deyirlər ki: “Əgər qurbanlıq heyvanın bütün başını kəsib qoparsan, bunda heç bir problem yoxdur”.1137 İmam Əhməd – rahmətullahi aleyhi – deyir: “Qurbanlıq heyvan-larını mərhəmətli şəkildə kəsiləcəyi yerə gətirmək, bıçağı gizlətmək və yalnız kəsilən anda çıxarmaq lazımdır”.1138 İmam Nəvəvi – rahmətullahi aleyhi – deyir: “Bir heyvanı digərinin yanında kəsmək olmaz”.1139 Həmçinin, alimlər deyirlər ki: “Kəsiləcək heyvanı sol böyürü üstə uzatmaq (bu kəsməyi asanlaşdırır), bu zaman heyvanın başı onun sol əlində, bıçaq isə sağ əlində olur”.1140
