«Ayn əl-cəm» (ﺍﻟﺠﻣﻊ ﻋﻳﻥ) tövhidin adlarından biridir. Onun elə sifətləri və keyfiyyətləri var ki, onları ancaq öz əhli bilir. Nuri deyir:
«Hamısı keçdi, nə özü var, nə izi,
Ad qövmünün gedişi və İrəmin yox olması kimi».
«İstiləm» (ﺍﻹﺼﻁﻼﻡ) – «kökündən çıxarma» əqllərin üzərinə varid olan və öz üstünlüyünün və yenməsinin gücü ilə onları viran edən qələbənin formasıdır.
Biri deyir: «Biri var imtahan edilən qəlblər, biri də var kökündən sökülən qəlblər. Kökündən çıxartmaq onun getməsi və yox olması deməkdir». Şair yazır:
«Mənə açıqlananda onu əzəmətli görürəm,
Heç kimə varid olmayan hala düşürəm.
Məndə olan hər şeyi söküb atır,
Tapdığım şeylər məndən pərdələnir».
Dostları ilə paylaş: |
