Учебное пособие подготовлено в соответствии с учебной программы

II-BOB. YER TUZISHNI AVTOMATLASHTIRISHNING HOZIRGI 
HOLATI 
2.1. Yer tuzishni avtomatlashtirish tizimlarining dasturiy ta’minoti 
Yer tuzishni loyihalashning avtomatlashgan tizimini yaratish bir tomondan 
EHMlarning xotira sig‟imiga va tezkorligiga bog‟liq bo‟lsa, ikkinchi tomondan 
dasturiy ta‟minotiga bog‟liq. Dasturiy mahsulotlar qo‟yilgan vazifalarni to‟la 
bajarishga mo‟ljallangan dasturiy majmualar bo‟lib, sanoat mahsuloti tarzida 
yetkazib beriladi. YTLAT da foydalaniladigan dasturiy mahsulotlar bozorining 
hozirgi tahlili shuni ko‟rsatadiki, ular o‟zlarining bajaradigan vazifalari, quvvati, 
servis xizmatlari, ishonchliligi va ularga kiritiladigan kontseptual yechimlari bilan 
bir-birlaridan farq qiladi. 
Yer tuzish masalalarini yechishda qo‟llaniladigan dasturiy maxsulotlarni 
(DM) sturlitli ravishda, turli xil instrumental to‟plamlardan (paketlar) 
foydalanmaydigan va foydalanadigan guruhlarga bo‟lish mumkin. Birinchi 
guruhga kiradigan barcha dasturiy mahsulotlarni, ularning vazifalarni yechish 
imkoniyatlaridan va bu imkoniyatlardan to‟la foydalanish mumkinligiga qarab, bir 
necha darajalarga bo‟lish mumkin.
Birinchi darajali
dasturiy mahsulotlarga loyihalashning avtomatlashtirilgan 
tizimlarini yaratishga mo‟ljallangan dasturiy mahsulotlar kiritish mumkin. 

---

17 
Ularning eng ko‟p tarqalganlari: AutoCAD, CAD+GEO. AutoCADning oldingi 
avlodlarida murakkab dasturlarni AutoLISPga (AutoCAD ga o‟rnatilgan dasturlash 
turi) yozishda EHM larning tezligi va tezkor xotirasi sig‟imi kamligi bilan bog‟liq 
muammolarga duch kelindi.
AutoCAD ning oxirgi avlodlarida ko‟plab muammolar yechildi, biroq, shuni 
hisobga olish kerakki, bu mahsulot asosan LIAT masalalarini yechishga 
mo‟ljallangan va yer tuzishning avtomatlashtirilgan texnologiyalarini shakllantirish 
uchun asosiy vosita bo‟la olmaydi. Lekin, u yer tuzish ishlarining umumiy 
texnologik tizimidagi bir element sifatida xizmat qilishi mumkin.