| Maddə 1293. Satın almaqda üstünlük hüququna xitam verilməsi
Pay miras şərikinə verildikdən sonra satın almaqda üstünlük hüququna xitam verilir.
Maddə 1294. Pay özgəninkiləşdirilərkən kreditorların təmin edilməsi
Payın özgəninkiləşdirildiyi halda kreditorun tələbini təmin etmək vəzifəsi payı əldə edənə həmin payın miqdarına uyğun olaraq keçir.
Maddə 1295. Payın bərabərləşdirilməsi
Vərəsəliyə çağırılmış vərəsələr miras onların arasında bölüşdürülənədək öz paylarını bərabərləşdirmək üçün, əgər miras qoyan ayrı qayda müəyyənləşdirməyibsə, miras qoyanın sağlığında ondan valideynlərin əmlakından ayırma şəklində aldıqlarının hamısını mirasa aid etməlidirlər.
Maddə 1296. Övladın sıradan çıxmasının nəticələri
Əgər vərəsə kimi payı bərabərləşdirməyə borclu olan övlad miras açılanadək və ya açıldıqdan sonra sıradan çıxarsa, payı bərabərləşdirmək vəzifəsi onun payını almalı olan vərəsənin öhdəsinə qoyulur.
Dostları ilə paylaş: | 
