2.Körpəlikdövrü-1 yaşdan 3 yaşadək. Həmin dövr üçün aparıcı fəaliyyət əşyavi-manipulyativ fəaliyyətdir. Onun səciyyəvi halı yaşlılarla ünsiyyət zamanı uşağın mövcud hərəkət tərzlərinə yiyələnməsidir. Bu dövrdə diqqəti cəlb edən cəhət nitq və əyani-əməli təfəkkürün inkişaf etməsidir.
3.Məktəbəqədər yaş dövrü-3 yaşdan 6 yaşadək. Bu dövr üçün aparıcı fəaliyyət rollu oyunlardır. Bu zaman uşaqda təxəyyül və simvolik funksiyalar formalaşır. Həmin dövrdə ictimai baxımdan əhəmiyyətli fəaliyyət uşağın artıq məktəb həyatına hazır olmasıdır.
4.Kiçik məktəb yaşı dövrü-6 yaşdan 10 yaşadək. Həmin dövrdə aparıcı fəaliyyət təlimdir. Təlim prosesində niyyətli hafizə təşəkkül tapır, insani münasibətlər, ətraf aləmin cisim və hadisələri haqqında biliklər mənimsənilir, məktəblidə nəzəri şüur və təfəkkür təzahür edir.
5.Yeniyetməlik dövrü-10-11 yaşdan 14-15 yaşadək. Aparıcı fəaliyyət ictimai faydalı fəaliyyətdir. Ona daxildir-əmək, tədris, ictimai-təşkilati işlər, şəxsi ünsiyyət, idman və bədii fəaliyyət. Yeniyetmə fəaliyyət prosesində müxtəlif ünsiyyət tərzlərinə yiyələnir. Bu dövrdə nəzəri cəlb edən cəhətlər özünüqiymətləndirmə, ətrafdakı adamlara tənqidi münasibət, müstəqillik bacarığından ibarətdir.
6.Gənclik dövrü-15 yaşdan 25 yaşadək. Həmin dövrdə aparıcı fəaliyyət kimi tədris-peşə fəaliyyəti çıxış edir, əməyə tələbat, idrak maraqları, tədqiqatçılıq bacarığı, həyat planları, şəxsiyyətin ideya-əxlaqi keyfiyyətləri formalaşır. Bu dövrün başlıca xüsusiyyətləri-peşə maraqları, özünüdərketmə, dünyagörüşü, arzu və ideallardan ibarətdir.
7.Orta yaş-bu yaş dövrü iki dövrdən ibarətdir.
I dövr-25 yaşdan 35 yaşadək;
II dövr-qadınlar üçün 36 yaşdan 55 yaşadək;
kişilər üçün 36 yaşdan 60 yaşadək.
8.Yaşlı adamlar-qadınlar üçün 55 yaşdan 75 yaşadək;
kişilər üçün 60 yaşdan 75 yaşadək.
9.Qocalıq yaşı-75 yaşdan 90 yaşadək.
10.Uzunömürlülər-90 yaşdan yuxarı.
Müəllim və tərbiyəçilər bu yaş dövrlərinin inkişaf xüsusiyyətlərini bilməlidirlər ki, təlim-tərbiyə işlərini lazımi qaydada aparsınlar.
