Korporativ portal kompaniya ichki va tashqi biznes-jarayonlarining servislarini oʻz ichiga oladi. Bundan tashqari, korporativ portal tarkibiga kompaniyaning turli xil boʻlimlari oʻrtasida axborot almashuvi, buxgalteriya ilovalari, ombor, kadrlar boʻlimi, statistik va analitik axborotlar, spravochnik, oʻquv axborotlari; ta'minotlar, dillerlar, iste'molchilar bilan ishlash uchun avtomatlashtirilgan vositalar kiradi. Biznes – jarayonlarni tashkil etish uchun Internet-ilova, kompaniya (buxgalteriya, ombor, rejalashtiruvchilar va boshqalar.) da foydalaniladigan amaliy dasturlarga kirish uchun interfeyslar mavjudligi bilan farqlanadi.
Ta’lim va tarbiyaga bag‘ishlangan saytlar.Bunday saytlar asosan ta’lim muassasasi haqida ma'lumotlarng keng ommaga tanishtirish, ta’lim muassasasida faoliyat olib boruvchilar hamda oʻquvchilarni ta’lim muassasasi bilan doimiy aloqasini ta'minlab turish maqsadida yaratiladi. Shuningdek, ta’lim va tarbiyaga bag‘ishlangan bir necha saytlar mazmunan va mantiqan birlashtirilib ta’limiy portalni tashkil qilishi mumkin.
Internetdagi barcha "oʻquv muassasa uchun yaratilgan sayt"larni oʻz navbatida bir necha turga ajratish mumkin:
Quyida ularning har biriga alohida toʻxtalib oʻtamiz.
Oʻrgatuvchi Internet manbalariga masofaviy ta’lim, virtual maktablar, laboratoriyalar va vebsinflarni misol sifatida keltirish mumkin.
Maslahat beruvchi Internet manbalariga turli telekonferensiyalar, virtual pedagogik kengashlar, virtual uslubiy birlashmalar muammoviy kengashlar, virtual kafelar va hokazolarni misol qilish mumkin.
Axborotli Internet manbalarigaelektron oʻquv qoʻllanmalarni, ma'lumotnomalarni, elektron kutubxonalar, lug‘atlar, kataloglar, virtual muzeylarni keltirish mumkin.
Baholovchi Internet manbalarga teletesting, masofaviy konkurslar, turli viktorinalar, olimpiadalarni misol keltirish mumkin.
Taqdimotli Internet manbalariga ta’lim muassasalarining ta’lim yoʻnalishlari haqida atroflicha ma'lumotlar yoritilgan alohida sahifalarni keltirish mumkin.
