Umumiy pedagogika

FSMU strategiyasi. Ushbu texnologiya munozarali masalalarni hal etishda, bahs-munozaralar oʻtkazishda yoki oʻqv-seminari yakunida (talaba, oʻquvchi)larning oʻquv mashg‘ulotlari hamda oʻtilgan mavzu va boʻlimlardagi ba’zi mavzular, muammolarga nisbatan fikrlarini bilish maqsadida yoki oʻquv rejasi asosida biror-bir boʻlim oʻrganilgach qoʻllanilishi mumkin [8. – B. 43].
Texnologiyaning tavsifi. Ushbu texnologiya munozarali masalalarni hal etishda, bahs-munozaralar oʻtkazishda yoki oʻquv-seminari yakunida (talabalarning oʻquv mashg‘ulotlari hamda oʻtilgan mavzu va boʻlimlardagi ba’zi mavzular muammolarga nisbatan fikrlarini bilish maqsadida) yoki oʻquv rejasi asosida biror-bir boʻlim oʻrganilgach qoʻllanilishi mumkin. Chunki bu texnologiya talabalarni oʻz fikrini himoya qilishga, erkin fikrlash va oʻz fikrini boshqalarga oʻtkazishga, ochiq holda bahslashishga, shu bilan qatorda oʻquvchi-talabalar tomonidan oʻquv jaryonida egallangan bilimlarini tahlil etishga va egallanganlik darajasini aniqlashga, baholashga hamda talabalarni bahslashish madaniyatiga oʻrgatadi.
Texnologiyaning maqsadi: Ushbu texnologiya talabalarni tarqatilgan oddiiy qog‘ozga oʻz fikrlarini aniq va qisqa holatda ifoda etib, tasdiqlovchi dalillar yoki inkor etuvchi fikrlarni bayon etishga yordam beradi.
Mashg‘ulotni oʻtkazish tartibi:

• 
  oʻqituvchi har bir talabaga FSMU texnologiyasining toʻrt bosqichi yozilgan qog‘oz varaqalarini tarqatadi va yakka taribda ularni toʻldirishni iltimos qiladi. Bu yerda:
  

F-fikringizni bayon eting;
S-fikringiz bayoniga sabab koʻrsating;
M- koʻrsatgan sababingizni asoslovchi misol keltiring;
U-fikringizni umumlashtiring.

• 
  oʻqituvchi talabalar bilan bahs mavzusini belgilab oladi;
  
• 
  yakka tartibdagi ish tugagach, talabalar kichik guruhlarga ajratiladi va oʻqituvchi kichik guruhlarga FSMU texnologiyasining toʻrt bosqichi yozilgan katta formatdagi qog‘ozlarni tarqatadi;
  
• 
  kichik guruhlarga har birlari yozgan qog‘ozlardagi fikr va dalilllarni katta formatda umumlashtirgan holda toʻrt bosqich boʻyicha yozishlarini taklif etiladi;
  
• 
  oʻqituvchi kichik guruhlarning yozgan fikrlarini jamoa oʻrtasida himoya qilishlarini soʻraydi;
  
• 
  mashg‘ulot oʻqituvchi tomonidan muammo boʻyicha bildirilgan fikrlarni ummlashtirish bilan yakunlanadi⁷⁵.