Umumiy pedagogika

SEMINAR VA UNING OʻZIGA XOSLIKLARI
Seminar – bu oʻqituvchining ta’lim oluvchilar bilan faol muloqotga kirishishiga yoʻnaltirilgan, nazariy bilimlarni amaliy faoliyatda amalga oshirish uchun zaruriy shart-sharoitni ta’minlovchi ta’limni tashkil etish shaklidir.
Seminar quyidagi maqsadlarga erishish uchun qoʻllaniladi:
1) nazariy materialni tartibga solish;
2) bilimlarni mustahkamlash;
3) koʻnikma va malakalarni hosil qilish;
3) bilimlarni nazorat qilish.
Seminar mashg‘ulotiga tayyorgarlik koʻrish va oʻtkazish
Seminar mashg‘ulotiga tayyorgarlik koʻrish va oʻtkazishda quyidagi savollarga javob topiladi:
1. Nima uchun?– Seminarni tashkil etishdan koʻzlangan maqsad.
2. Qanday tarzda?– Seminarni olib borish texnologiyasini ishlab chiqish.
3. Nimani muhokama qilish?– Seminarni olib borish vaqtida muhokama qilinadigan materiallar mazmuni.
4. Qanday omillarni hisobga olish zarur? – Seminarni tashkil etish jarayonida ma’lum omillarni hisobga olish.


SEMINAR TURLARI VA UNING OʻZIGA XOS XUSUSIYATLARI

Seminar turlari	Oʻziga xos xususiyatlari
Ma’ruza(doklad)li seminar	Seminar mashg‘uloti talabalarning ma’ruzalarni tinglash va munozara shaklida oʻtkaziladi.
Dialogli seminar	Seminar mashg‘uloti ommaviy va indiviudal savol-javoblar tariqasida tashkil etiladi
Refleksiv seminar	Seminar mashg‘uloti mavzuga doir ma’lumotlarni muhokama qilish va aniq xulosalarga kelish tarzida oʻtkaziladi.
Seminar-fikrlar almashuvi	Seminar mashg‘ulotini tashkil etishda manbalardan foydalaniladi va turli fikrlarni shakllantirishga erishiladi
Seminar-Illyustratsiya	Seminar mashg‘uloti manbalar bilan ishlash tarzida tashkil etiladi va materiallar illyustratsiya tarzida namoyish etiladi.
Evristik seminar	Seminar izlanishli-topshiriqli tarzda tashkil etiladi.