1. Fanning mazmuni Ona tili o‘qitish metodikasi fani talabalarni nazariy bilimlar, amaliy ko‘nikmalar, boshlang‘ich sinflar ona tili ta’limi jarayonlarga uslubiy yondashuv hamda ilmiy dunyoqarashini shakllantirish vazifalarini bajaradi.
Fan bo‘yicha talabalarning bilim, ko‘nikma va malakalariga quyidagi talablar qo‘yiladi.
Talaba: - boshlang‘ich sinf ona tili o‘qitish metodikasining o‘ziga xos xususiyatlari;
-husnixatga o‘rgatishning ahamiyati va vazifasi;
- boshlang‘ich sinflarda ona tili o‘qitish metodikasi sohasida olib borilgan tadqiqotlar va fanning muhim bo‘lgan muammolari;
- ona tili o‘qitish metodikasining tarixi va hozirgi vaqtdagi holati haqida tasavvurga ega bo‘lishi; - ona tili o‘qitish metodikasi fanining ilmiy asoslarini, tamoyillarini, ta’lim jarayonida qo‘llanadigan metodlarni, dars turlari va tarkibini;
- savod o‘rgatish va husnixatga o‘rgatish metodikasini;
- o‘qish metodikasi va sinfdan tashqari o‘qish metodikasini;
- fonetika, so‘z tarkibi va so‘z yasalishini o‘rgatish metodikasini;
- so‘z turkumlari, sintaksis hamda punktuatsiya elementlarini o‘rgatish metodikasini;
- boshlang‘ich sinflarda ona tili, o‘qish darslarida o‘quv-tarbiya jarayonini tashkil etishning eng qulay va foydali shakllari, usullari va vositalarini bilishi va ulardan foydalana olishi; -ona tili darslarida ta’lim va tarbiya birligi tamoyiliga amal qilish;
- dars jarayoniga ilg‘or va zamonaviy pedagogik texnologiyalarni olib kirish, kompyuter va o‘qitish texnika vositalaridan, turli ko‘rgazma hamda tarqatma materiallardan samarali foydalana olish;
-o‘quvchilar bilimini tekshirish va baholash shakllarini aniqlay olish;
- xatolarni kelib chiqish sabablarini aniqlash hamda xatolarning oldini olish va bartaraf qilish ustida ishlash ko‘nikmalariga ega bo‘lishi kerak.
