Ünden bugüN

KADINLARIN İNCE (RAKİK) ÜSTLÜKLE SOKAĞA ÇIKMAMALARI İÇİN İSTANBUL KADISINA 1791'DE YAZILAN HÜKÜM

istanbul Kadısına ve Galata ve Eyyub ve Üsküdar Kadılarına, Yeniçeri Ağasına, Derzi basıya hüküm ki:

Nisa taifesinin esvak ve bazarda etvar-ı nıüştehiyye ile keştü güzarları öteden beru memnu olduğundan ve İngiliz şalisi çuka begayet rakıyk olmak mü-lâbesesile o makule çukadan ferace iktisaiden nisanın ferace altına giydiği sair esvabı hariçden gereği gibi fark olunduğundan fimabaad nisa taifesi İngiliz şalisi çuka ferace kesdirmekden men'i şedid ile men' olunmuş idi. Elhaletü hazihi En-güri şalisi iktisasının vakti tekarrüb idüb oldahi ince ve rakıyk olduğuna bianen Engüri şalisi ferace ile keştü güzarın feracesiz gezmekden hiç farkı olmamağla bu husus mukaddemlerde ba fermanı âli kiraren men olunmuşken aralıkda bazı hayasızlar yine Engüri şalisinden ferace kesdirüb giydikleri mesmû ve meşhud ol-makdan nâşi bu maddenin dahi bu defa müceddeden men'i lâzım geldiğin fimabaad nisa taifesinin Engüri şalisinden ferace kesdirüb giymemeleri ve derzi-ler dahi badezin o makule şaliden bir ferde ferace kesüb dikmemeleri hususuna irade-i aliyye-i hazret-i cihandan taalûk idüb olbadda hatt-ı hümayun-ı şevket-makrun şerefbahş-i sudur olmağın imdi bu hususu iktiza idenlere şimdiden ten-bih ve te'kid ve nıahallât imamlarına dahi ifade ve beyan-birle taifeyi nisayı Engüri şalisinden ferace giymekden ve derziler dahi o misillû şaliden ferace kesüb dikmekden men'ü tezhire ihtimam ve dikkat ve bu hususa daima siz dahi nezaret eyliyesiz. Şöyle ki bu tenbihden sonra kangi derzi Engüri şalisinden taife-i nisaya ferace kesüb dikmeğe cesaret ider ise bilâ amanin dükkânı önüne salb olunacağı ve derzileri itma' ile kesdirmeğe cesaret idenler dahi badettahkıyk te'dib ve gûşmal kılınacağı ve bu nizam aleddevam düsturülamel tutulub hilâfına bir noktada ruhsat verilmiyeceği malûmunuz olarak âna göre keyfiyyeti cümleye ifade ve tefhime mübaderet ve hilâfına irade-i ruhsaldan begayet tevakki ve mü-canebed eyliyesiz deyu fi selhi ş. 1206.

(Altınay), Onüçüncü Asırda, 4

226