Belə düşünürəm ki, biz cəmiyyətimizdə tələbənin dini elitadan olmasına çalışmalıyıq. Yəni məqsədimiz bu olmalıdır ki, universitetdə tələbələri həm məlumat, həm də iman baxımından görkəmli dini qüvvələrə çevirək. Təbii ki, bunlar gələcəkdə İslam Respublikasına xidmət edəcəklər. İnşallah, bu sahədə işlər görməliyik.
Camaat imamlığı
Məscidlərə çox əhəmiyyətli yanaşmaq lazımdır. Mən camaat imamlığı ənənəsini çox vacib sayıram. Bəlkə də bəziləri doğrudan da qəbul etməsinlər, amma mən özüm uzun müddət imamlıq etdiyim üçün bilirəm ki, nə qədər yaxşı, təsirli və aktiv işdir. Adətən, imamlıq etməyənlər onun nə olduğunu bilmirlər. Bəziləri də məsciddə namazı qılıb tez başqa iş dalınca gedirlər. Onlar da camaat imamlığının ləzzətini anlamırlar.
