Elm din və əxlaq istiqamətində, insan naminə, əcnəbi asılılığından qurtulmaq, milli istiqlaliyyətimizi təmin etmək, İslam ümmətinin başucalığı, ABŞ-ın, yaxud Avropanın daha elm vasitəsi ilə xalqları bədbəxt edib tapdaya bilməməsi üçün olsun, bu məqsədlə qalxana və uçuş vasitəsinə çevrilsin... Bütün bunlar o zaman baş verər ki, universitet hövzədən öyrənsin, hövzədə olan din və əxlaq dəyərləri universitetə yol tapsın.
Hövzə və elmi metodlar
Əlbəttə, elm hövzəsi də inkişaf etmək və qapalılıqdan çıxmaq üçün universitetdə qəbul olunan elmi metodları öyrənməlidir. Bu gün Allaha şükür olsun ki, hövzə bu baxımdan çox inkişaf edib. İmamın nəzərdə tutduğu birlik budur. Bu bütün ölkəni - həm hövzəni, həm universiteti ideal həddə çatdıracaq xüsusiyyətdir. Bunun yaxşı yollarından biri də ruhanilərin universitetlərdə çalışmasıdır. Bu, çox yaxşı işdir: elmi fəaliyyət, tədris etmək, yol göstərmək, bəzən də hövzə və universitet arasında tələbə mübadiləsi aparmaq, müştərək toplantılar keçirmək və sair.
