Ondan sonra Pəhləvilərin dövrü çatdı. Rza xanı əvvəldən ingilislər hakimiyyətə gətirdilər. Bu məsələ tarixin qəti həqiqətlərindəndir. Heç bir tarixçi bunun doğruluğuna şübhə etmir. Rusla ingilis arasında olan bu çəkişmədə Birinci Dünya Müharibəsində Rusiya qəflətən İrandan çıxdı. Nə üçün? Çünki 1917-ci ildə Rusiyada bolşevik inqilabı baş vermişdi. Rusların başı özlərinə qarışdı. İranda onların əsas rəqibi olan ingilislər səhnəni ələ keçirdilər. Onların tələsik gördükləri birinci iş 1919-cu il müqaviləsi idi. O zamanın Baş naziri olan Vüsuquddövlə ingiltərəlilərlə bir müqavilə bağladı və bununla da İranın ordu və əmlak işləri onların əlinə keçdi.
