Ağız dəhlizi ön və yan tərəflərdən dodaq və yanaqlarla, arxa
tərəfdən isə alveol
sümüyünün selikli qişası və dişlərlə sərhədlənir.
Xüsusi ağız boşluğu isə aşağıdan ağız dibi, yanlardan dişlər və alveollar, yuxarıdan
sərt damaq və yumşaq damaqla əhatə olunub, əsnək vasitəsilə udlaqla birləşir.
Xüsusi ağız boşluğunda dil yerləşir.
Yuxarı çənə əng sümüyü cism və dörd çıxıntıdan ibarətdir. Sağ və sol sümüklərin
cisimləri orta xəttə sümük tikişlə birləşir. Cismin daxilində haymor boşluğu yerləşir.
Yuxarı böyük azı dişlərinin kökləri haymor boşluğunun dibinə yaxındır. Bəzən isə
hətta seliklin qişaya söykənir. Əng sümüyü damaq, alın və almacıq çıxıntıları, kəllə
sümükləri ilə birləşir. Alveol çıxıntısında isə diş yuvaları yerləşir. Əng
sümüyü elə
quruluşa
malikdir ki, burada iltihabi proses məhdud olur. Sümükdə süngəri maddə az
olduğuna görə iltihab bütün çənəni əhatə etmir. Alt
çənə cisim və iki şaxədən
ibarətdir. Sümüyün yuxarı kənarında diş yuvalarına məxsus alveol yerləşir. Çənə
şaxələrinin içəri tərəfində dəlik vardır ki, bu dəlikdən aşağı çənə kanalına sinir və
damarlar daxil olur. Yuxarı çənədən fərqli olaraq alt çənədə süngəri maddə çoxdur.
Sərt və qalın maddə iltihabın sümük xaricinə çıxmasına mane olur
və çənənin diffuz
zədələnməsi baş verir. Üz çənə nahiyyəsində iki qrup əzələ vardır: çeynəmə əzələləri
və mimiki əzələlər. Çeynəmə əzələləri
də iki cür olur, çənəni qaldıran və endirən
əzələləri. Mimiki əzələlər mürəkkəb funksiyanı yerinə yetirərək hər
bir insanda onun
fərdi mimikasını göstərir və üz siniri ilə innervasiya olunur.
Dostları ilə paylaş: 
