Yanaq siniri (n.buccalis). Əksər hallarda çənə sinirinin gövdəsindən oval dəliyi
bərabərliyində ondan ayrılır, bayır qanadvari əzələnin səthi ilə önə, aşağı və xaricə
doğru gedir, tac çıxıntısının əsasında onun ön kənarında yanaq əzələsinin xarici səthi
ilə ağız bucağına qədər yayılır və yanaq nahiyəsinin dərisini, selikli qişasını
innervasiya edir. Yanaq siniri bəzi hallarda dəhliz tərəfdən çənənin alveol çıxıntısını
örtən selikli qişanı innervasiya etmir. Yanaq siniri çənənin sümük qalınlığı
nahiyəsində dil və aşağı alveol sinirləri ilə bir yerdə yerləşir, gicgah əzələsinin
önündən keçir, yanaq nahiyəsi toxumalarına gedir. Torusal anesteziya zamanı az
miqdarda anesteziya vurularsa, onun yanaq sinirlərinə təsir göstərməməsi bununla
aydınlaşdırılır.
