Xəstəlikləri” fənni Giriş. Dişlərin və ağız boşluğu selikli qişasının anatomo- fizioloji xüsusiyyətləri haqqında qısa məlumat

Müalicə. Eroziyanın müalicəsi onun təzahür formasından asılıdır. Birinci növbədə 
mövcud patologiyanın artmasına kömək edən amillərin aradan qaldırılması üçün 
təcili tədbirlər görülməlidir. Bu məqsədlə, həddindən artıq şirə içmək və meyvə 
yemək məsləhət görülmür. Şirə içdikdən və meyvə yedikdən sonra isə ağız 
boşluğunu yaxşıca yaxalamaq lazımdır. Digər tərəfdən, mexaniki amillərin təsiri 

---

azaldılmalıdır – cod fırçadan istifadə etmək olmaz, reminerallaşdırıcı və tərkibində 
flüor olan pastalardan istifadə edilməlidir.  
Dişlərin sərt toxumalarının eroziyasının yerli müalicəsi 10% - li kalsium qlükonat, 2,5-
3% - li remodent məhluli iləaplikasiya aparılmasından ibarətdir. Bununla, eroziya 
sahələrində sərt toxumalar reminerallaşır və bu da prosesin sabitləşməsinə səbəb 
olur. Göstərilən terapiya diş toxumalarının hiperesteziyasını da ləğv edir. Müalicə 
kursu təxminən 15-20 prosedurdan ibarətdir. Bu kurs fizioterapevtik-elektroforez 
üsulu ilə də yerinə yetirilə bilər.  
Əgər qüsur böyükdürsə, plomblama metodu tətbiq olunur. Bu məqsədlə müasir 
kompozit və kompomerlərdən istifadə edilir. Əgər qüsur mina sərhəddi 
daxilindədirsə, o zaman kompozit materiallarla plomblama zamanı araqat qoyulmur. 
Əgər eroziya dentinə çatırsa, və dentini əhatə edirsə, onda boşluğun dibi mütləq 
araqatlarla örtüldükdən sonra estetik plomlanmalıdır. Unutmaq olmaz ki, plomlama 
əməliyyatından əvvəl və sonra dişdə reminerallaşdırıcı kurs (kalsium qlükonat və 
natrium flüorid) aparılmalıdır. Dişlər daha çox dağılmaya məruz qalıbsa, ortopedik 
müalicə - protezləmə məsləhət görülürt  
Müalicə.Flüoroz zamanı müalicənin məqsədi – dişin anatomik formasını və estetik 
parametrlərini bərpa etməkdən ibarətdir.  
Flüorozun müalicə metodu onun kliniki təzahür formasından asılı olaraq seçilir. 
Flüorozun çox zəif, zəif və orta (mötədil) formalarında dişlərin ağardılması əməliyyatı 
aparılır. Bu zaman ağartmaq məqsədilə 10-35%- li peroksid – karbomid 
preparatından istifadə edilir. Bu preparat gel şəklində qarışdırılır, slikon qaşıq və ya 
fərd kappa ilə yuxarı və ya aşağı çənə dişlərinin üzərinə 30 dəqiqə ərzində qoyulur. 
Müalicə kursu 3-4 prosedurdan ibarət olur.  
XX əsrin 90-cı illərindən etibarən flüorozun yüngül və orta formalarında 
piqmentləşmiş minanın götürülməsi (mikroabraziya) texnologiyası tətbiq edilməyə 
başlanılmışdır. Bu məqsədlə bir sıra preparatlardan, o cümlədən «PREMA» 
preparatından istifadə edilir. Onun tərkibinə zəif konsentrasiyalı xlorid turşusu, kiçik 
dispersli karborund (abrazib) və silisium gedili daxildir. Diş ləkələri bu qarışıq 
vasitəsilə götürülür. Mina səthi 15-30 saniyə ərzində abrazivtərkiblə işlənir, sonra isə 
30 saniyə ərzində su şırnağı ilə yuyulur. Bu mikroabraziya prosedurundan sonra flüor 
tərkibli məhlulla diş səthinin işlənməsi məsləhət görülür. Bu texnologiyanın 
köməkliyi ilə yaxşı və davamlı nəticə almaq mümkündür.