XəZƏr universitetiNİN 2015-ci IL elmi fəaliyyəti haqqında hesaba t

Bakalavr üzrə ixtisas proqramları	Magistr üzrə ixtisas proqramları
Doktorantura üzrə ixtisas proqramları
1	İbtidai təhsilin pedaqogika və metodikası	Ümumi pedaqogika, pedaqogika və təhsilin tarixi	Təhsilin təşkili və idarə edilməsi
2	Azərbaycan dili və ədəbiyyatı müəllimliyi	Təhsilin təşkili və idarə edilməsi	Ümumi pedaqogika, pedaqogika və təhsilin tarixi
3	Riyaziyyat və İnformatika müəllimliyi	-	Azərbaycan ədəbiyyatı
4	Kimya və biologiya müəllimliyi	-	-
5	Bioloigya müəllimliyi	-	-
6	Kimya müəllimliyi	-	-
7	Tarix və coğrafiya müəllimliyi	-	-
8	Tarix müəllimiyi	-	-
9	Coğrafiya müəllimliyi	-	-

Magistratura, Doktorantura və Elmi İşlər bölməsi

Magistratura, Doktorantura və Elmi işlər bölməsi Xəzər Universitetinin T/16 nömrəli 2 aprel 2011-ci il tarixli əmrinə əsasən, kadr hazırlığının spektrini genişləndirmək, habelə tədqiqat işlərinin təkmilləşdirilməsi və idarə edilməsi məqsədilə yaradılmışdır.

Bölmə doktorant tələbələrin qeydiyyatı, onların dərslərin təşkili, tədris planları üzərində iş, yeni qəbul olunmuş doktorant tələbələrin elmi rəhbər və mövzularının dəqiqləşdirilməsi və s. kimi işlərlə məşğul olur. Eləcə də universitetdə elmi inzibati şuranın iclaslarının təşkil olunması Magistratura, Doktorantura və Elmi işlər bölməsində həyata keçirilir. Bölmənin gördüyü işlərə magistr tələbələrin elmi işlərinin müdafiələrinin təşkili də aiddir. Müdafiədən əvvəl bir qayda olaraq magistr tələbələr elmi işlərini plagiat yoxlanılması üçün bölməyə təqdim edirlər. Plagiat yoxlanılma haqqında hesabat müvafiq dekanlıqlara göndərilir və yalnız bundan sonra tələbənin müdafiəyə buraxılmasına icazə verilir.

Bölmə 2014-2015-ci ildə ildə qəbul olmuş doktorantların dissertasiya mövzusu və elmi rəhbərləri haqqında məlumatı təsdiq olunmaq üçün müvafiq problem şuralarına göndərmişdir. Hal hazırda, bölmədə 2015-ci tədris ili üçün doktoranturaya qəbul imtahanları başa çatmışdır. 2015-ci ildə departament 16 ixtisas üzrə 17 doktorant qəbul olmuşdur. Bütövlükdə, hal-hazırda universitetdə 100 nəfərə yaxın xarici və yerli doktorant təhsil alır.

Doktorant tələbələr aktiv olaraq konfrans və jurnallarda məqalələrlə çıxış edirlər. Universitetin doktorant tədqiqatçıları doktorantların və gənc tədqiqatçıların hər il keçirilən respublika elmi konfransında məqalələrlə çıxış edirlər.

Doktorant tələbələr eyni zamanda mübadilə proqramlarında da aktiv olaraq iştirak edirlər. Bundan əlavə, onların bir qismi mübadilə proqramları çərçivəsində Portuqaliya, Çin, Almaniya, İspaniya, İtaliya, Türkiyə və digər xarici ölkələrdə müvafiq tədqiqatlar üzrə təhsilini davam etdirməkdədir.

Magistratura Doktorantura və Elmi İşlər bölməsi 2015-ci il üçün aşağıdakı ixtisaslar üzrə doktorantura təhsili təklif etmiş və qəbul keçirmişdir:

• 
  Kompüter elmləri
  
• 
  Sistemli analiz, idarəetmə və informasiyanın işlənməsi
  
• 
  Biokimya
  
• 
  Biotexnologiya
  
• 
  Neft və qaz yataqlarının geologiyası, axtarışı və kəşfiyyatı
  
• 
  Neft və qaz yataqlarının işlənməsi və istismarı
  
• 
  Ümumi İqtisadiyyat
  
• 
  Dünya İqtisadiyyatı
  
• 
  Müəssisələrin təşkili və İdarə olunması
  
• 
  German Dilləri
  
• 
  Azərbaycan ədəbiyyatı
  
• 
  Dünya ədəbiyyatı
  
• 
  Vətən tarixi
  
• 
  Ümumi tarix
  
• 
  Təhsilin təşkili və planlaşdırılması
  
• 
  Ümumi pedaqogika, pedaqogikanın və təhsilin tarixi
  
• 
  Beynəlxalq münasibətlər
  
• 
  Siyasi nəzəriyyə
  
• 
  Sosial Fəlsəfə
  
• 
  Fəlsəfə tarixi
  

Bölmə hal - hazırda 2016-cı ilin aprelində Azərbaycan universitetlərinin iştirakı ilə “Doktorantura təhsilinin inkişafı” ilə bağlı universitetlərarası seminar keçirilməsi planı üzərində çalışır. Həmçinin, Erasmus+ layihəsi çərçivəsində həyata keçirilən Nizami layihəsi ilə bağlı bir sıra tədbirlər hazırlanması nəzərdə tutulur. Erasmus+ layihəsi çərçivəsində artıq Xəzər Universitetinin Beynəlxalq münasibətlər ixtisası üzrə 2 doktorant tələbəsinin İtaliyanın Genuya universitetində təhsil alması ilə bağlı razılıq əldə edilmişdir.

2015-ci ilin dekabr ayında Magistratura, Doktorantura və Elmi İşlər bölməsi Beynəlxalq münasibətlər departamenti ilə birlikdə beynəlxalq doktorantlar və magistr tələbələri üçün ingilis dilində “Bələdçi” sənəd hazırlanmışdır.