| 8. Quşların həyatında miqrasiya.
Bu çalışmanın məqsədi -11-14 yaşlı uşaqları quşların miqrasiyası, təbii miqrasiyaya mane olan səbəbləri və mümkün nəticələrlə tanış etməkdir. Bu çalışmadan biologiya dərsində istifadə etmək olar. Qeyd etdiyimiz kimi, Afrika və Asiya ölkələrindən şimalı Rusiyaya köçən quşların bir çox növləri Xəzər dənizindən dayanacaq kimi istifadə edir. Buna görə də Xəzərin ekosistemini öyrənərkən miqrasiya hadisələri və ona mane olan halları nəzərə almaq çox vacibdir.
«Miqrasiya» sözü yəqin ki, uşaqlar üçün yeni termin deyil-bu barədə televiziya verişlərində müntəzəm söhbət açılır. Uşaqlara tapşırın ki, heyvanlar aləmində və insan cəmiyyətində miqrasiya paralellərini tapsınlar, buna hansı amillərin təsir etdiyini göstərsinlər. Uşaqların cavablarını yekunlaşdırın:
Heyvanların miqrasiyası – dövrü yerdəyişmədir, məs: quşların isti ölkələrdən şimala köçməsi və ya qida çatılmazlığı, bataqlılaşma və digər təbii, antropogen amillərin təsiri altında miqrasiya. Bəzi quşlar yalnız gündüzlər, digərləri həm gecə, həm də gündüz miqrasiya edir.
Bu hadisə ilə daha yaxından tanış olmaq üçün qızıl qazı seçin. Əgər siz uşaqlarla birlikdə bu quşları müşahidə edə bilsəydiniz, məşğələ daha maraqlı keçərdi.
Qızıl qaz haqqında ədəbiyyatdan istifadə edin. Uşaqlara qızıl qazın miqrasiya marşrutu haqqında informasiya toplamağı tapşırın. İlin hansı vaxtında bu quş Sizin regionda olur?
Quşların həyatında dəstənin rolu haqqında bir neçə dəqiqəlik məlumat verin. Vaxt imkan verirsə quşların dəstələrə toplanmasının səbəblərini araşdırın. (yırtıcılardan müdafiə, qida axtarışında kömək, qaz dəstəsinin V-şəkilli formasının uçuşda küləyin müqavimətini azaltmaq üçün quşlar arasında əməkdaşlığın nümunəsi olması və s.).
Poster 4.
Dostları ilə paylaş: | 
