| 3. Xəzər dənizinin səviyyəsi ilə nə baş verir və hansı qlobal proseslər buna səbəb olur?
Bu çalışmanın məqsədi uşaqları Xəzərin biomüxtəlifliyinə qlobal amillərin təsiri ilə tanış etməkdir.
Uşaqlardan xahiş edin ki, su altında qalmış evlərin fotoşəkilini nəzərdən keçirsinlər. Onlardan soruşun ki, şəkildə gördükləri nədir və bunun səbəbi nədir? Əgər onlar bu evdə yaşasaydılar özlərini necə hiss edərdilər. Xəzərin səviyyəsinin son 20 ildə necə dəyişməsi barədə uşaqlara məlumat verin. Elmi konfranslarda meteoroloqlar, hidroloqlar, hidrobioloqlar və ekoloqlar dənizin səviyyəsinin qalxmasını və yaşayış yerlərinin su altında qalmasını daim müzakirə edir, bu problemi həll etməyə çalışırlar. Lakin 10 ildən də az bir vaxt keçdi və Xəzər dənizinin səviyyəsi təbii yolla endi və evlərin su altında qalması problemi həll olundu.
Aşağıdakı sualları verin:
Dənizin səviyyəsi qalxarsa (artdığı zaman) sahilyanı zonaların yerüstü ekosistemləri və onların sakinləri ilə nə baş verər?
Dənizin səviyyəsi enərsə su ekosistemləri və onların sakinləri ilə nə baş verər?
Hansı canlılar daha tez uyğunlaşır: insanlar, heyvanlar və yaxud bitkilər?
Dostları ilə paylaş: |
