Xotira va Diqqat

2.3. Diqqat ko’chuvchanligini tadqiq etish (Shulte jadvali)
Tadqiqotning maqsadi. Diqqatning koʻchuvchanligini Shulte jadvali asosida oʻrganish. Ushbu metodikani psixik tempni, koʻruv oriyentir-qidiruv tezligini, koʻruv qoʻzgʻatuvchilari uchun diqqat koʻlamini aniqlash uchun qoʻllash mumkin.
Zaruriy anjomlar: sekundomer va Shultening modifikatsiyalangan jadvallari
Agar diqqat koʻchuvchanligi “0”ga teng yoki undan kichik boʻlsa, tadqiqotni qayta amalga oshirish lozim. Sababi sinaluvchi birinchi va ikkinchi seriyalarda yoʻriqnomani tinglamagan. Xullas, miqdoriy natijalar tahlili asosida uchta tadqiqot seriyalari vaqti, yoʻl qoʻyilgan xatolar, sinaluvchining ogʻzaki xisoboti, tadqiqotchi va protokolist kuzatuvlari, diqqatning koʻchishi va diqqat konsentratsiyasi xarakteri, diqqatni rivojlantirish boʻyicha tavsiyalar tayyorlash zarur. Oʻspirinlik davrida talabalar diqqatning koʻchuvchanligini turli fanlardan mustaqil taʼlim jarayonida faoliyat shakllarini oʻzgartirish orqali amalga oshirish imkoniyati mavjud. Mazkur topshiriqqa adekvat mashq sifatida bitta kuzatuv obʼektidan boshqasiga koʻchishini misol qilsa boʻladi. Bir-biridan farq qiluvchi topshiriqlarni bajarish.
Natijalarni tahlilida sinaluvchilar raqamlarni topish spetsifikasini, raqamlarni topa olmaganlarida qiyinchiliklarni bartaraf etish usullarini kuzatib borish darkor. Ayrim sinaluvchilarda qidirilayotgan raqam yaqinda topilgan raqamning oldida boʻlsa, boshqalarida esa topilgan raqamdan uzoqroqda joylashgan boʻlsa qiynaladilar.
Sinaluvchilarda topshiriqlarni bajarish xususiyatini aniqlash zarur:
- topshiriqni bajarish xarakteri /ishtiyoq, formalizm, pedantlik/;
- emotsional soha /apatiya, sovuqqonlik, noadekvatlik, oʻzidan qoniqish, jizzakilik, yigʻloqilik, distansiyani yoʻqotish hissi/;
- nutq /nutqning kuchayishi yoki susayishi, pichirlash, sukunat, oxlash, ingillash/.


Tadqiqot natijalar tahlili


1-jadval
Tadqiqotning o’tkazilish joyi haqida ma’lumot

	Soni	Foizi
414-DMTT	28	46,7
417-DMTT	32	53,3

Tadqiqotimizda 60 nafar sinaluvchi DMTT tarbiyalanuvchilari ishtirok etdi. DMTTlar negizida 414-DMTTdan 28 nafar, 417-DMTTdan 32 nafar sinaluvchilar ishtirok etdi.