| GİRİŞ
Moda – fransızca mode – ölçü, obraz deməkdir. Bu söz müəyyən zamanda, mühitdə geyim ya da digər məişət əşyalarının əsas meyarı kimi qəbul edilməsi mənasında istifadə olunur. Bu sözün latınca modus variantı isə, qədim hindlilərin işlətdikləri sanskrit dilində madh – sözündən götürülmüşdür. Mənası çəki, ölçü deməkdir. Modus sözü, XVII – XVIII əsrin filosofları tərəfindən, materiyanın keçici xassəsini bildirmək üçün istifadə olunurdu. Rus dilində moda sözü, I Pyotrun dövründə istifadə olunmağa başlanmışdır.
Mövzunun aktuallığı. Moda geniş mənada müəyyən dövrdə mövcud olan, əksəriyyət tərəfindən qəbul edilmiş mədəniyyətin xarici formalarına münasibəti göstərir. Moda sözü öz bədii həllini daha çox geyim tərzində tapmışdır.
İnsan geyiminin tarixi inkişafı dəb ilə qırılmaz sürətdə əlaqəli olub. İnsanın yeni formalar axtarmaq cəhdi, onun tətbiqi bu sahədə reallaşır.
Tədqiqatın predmet və obyekti. İnsan bədəni modanın tətbiq edildiyi ən əsas predmet sayılır. Hər bir dövr insan bədəni üçün öz xüsusi estetik ideal miqyaslarını siluetlərini yaradır. Moda – insan bədəninin formalarının müəyyən hissələrinin gizlətmək və ya onları daha çox qabartmaqla, silueti həmin zaman üçün qəbul olunmuş ideala yaxınlaşdırır.
Dostları ilə paylaş: |
