Xxxix fəsil Təbiətşünaslıq elmləri Ümumi hissə a Təbiətşünaslıq təhsilinin əhəmiyyəti

Biol.XI.6. Şagird irsilik qanunlarını formalaşdıra və dəyişkənliyin formaları barədə mülahizə yürüdə bilər.

Nəticə göz önündədir, əgər şagird:

• 
  İnformasiya toplayır və irsiliyin və dəyişkənliyin təsirini müqayisə edirsə, onların bioloji əhəmiyyəti barədə mülahizə yürüdürsə;
  
• 
  Geni irsiyyət vahidi kimi müzakirə edirsə;
  
• 
  Genlərin sərbəst və ilişkili irsilik sxemlərini tərtib edir, bir-biri ilə müqayisə edir və onlar arasında fərqlər barədə mülahizə yürüdür, müvafiq misallar gətirirsə;
  
• 
  İnsanda cinsiyyətin müəyyənləşdirilməsi sxemindən istifadə edir və oğlanla qızın doğulması ehtimallığını müəyyən edirsə;
  
• 
  İnformasiya toplayır və təsərrüfat üçün arzuolunan sxemin əldə edilməsinin əhəmiyyəti barədə mülahizə yürüdürsə;
  
• 
  Cinsiyyətlə ilişkili əlamətlərin irsiliyinin genetik sxemini tərtib edir və onları yazmaq üçün müvafiq simvollardan adekvat şəkildə istifadə edirsə;
  
• 
  Bəzi genetik xəstəliklərin irsilik xüsusiyyətini təsvir edirsə. Onların profilaktikası və ya müalicəsinin perspektivi barədə material toplayır və təqdim edirsə;
  
• 
  Genetik məsələlərin həlli zamanı göstəricilər analizindən, statistikadan və ehtimal nəzəriyyəsinin elementlərindən istifadə edirsə;
  
• 
  İnsanın genetik strukturuna mənfi amillərin (məs., nikotin, narkotiklər) təsirinin səbəb olduğu dəyişikliklər barədə mülahizə yürüdür və sağlam həyat tərzinin əhəmiyyətini əsaslandırmağı bacarırsa;
  
• 
  Gen mühəndisliyi nailiyyətlərinin müsbət və mənfi cəhətləri barədə fikir yürüdə bilirsə;
  
• 
  Seleksiyanın klassik (ənənəvi) və müasir metodlarını təsvir edir, gen modifikasiyalı sortların meydana gəlməsi barədə öz mövqeyini formalaşdırır və referat şəklində təqdim edirsə.