İstiqamət: Yer kürəsi və ətraf mühit
Təb.IV.6. Şagird Günəş sistemində kosmik cisimlərin hərəkətini və bəzi astronomik hadisəni təsvir edə bilər.
Nəticə göz önündədir, əgər şagird:
Modellərdən istifadə edir və Günəş sistemində ayın, yer kürəsinin və başqa planetlərin hərəkətini təsvir edirsə;
Kosmik cisimləri (məs., ulduz, planet, kometa, asteroid, meteorit) sadalayır və təsvir edirsə; onlar arasında fərqlər barədə mülahizə yürüdürsə;
Günəşin və ayın tutulması modellərini yaradırsa və tutulmanın baş vermə səbəbləri barədə mülahizə yürüdürsə;
Modellər yaradır və Yer kürəsinin öz oxu ilə və Günəş ətrafında fırlanmasını təsvir edirsə;
İlin fəsillərinin dəyişməsini Yer kürəsinin orbitdə əyri ox üzrə hərəkəti ilə əlaqələndirməyi bacarırsa (şimal və cənub yarımkürələrində fərqli mövsümlər, gecə-gündüz bərabərləşməsi və gündönümü).
Təb.VI.7. Şagird istiliyin və işığın Yer kürəsinə paylanması barədə mülahizə yürüdə bilər.
Nəticə göz önündədir, əgər şagird:
Yer kürəsinə işığın qeyri-bərabər paylanmasını nümayiş etdirmək üçün sınaqlar planlaşdırır və keçirir (məsələn, qlobusla və fənər ilə); nəticələri istiliyin paylanması ilə əlaqələndirməyi bacarırsa;
Yer kürəsinə istiliyin və işığın qeyri-bərabər paylanmasını istilik qurşaqlarının yerləşməsi ilə əlaqələndirirsə;
İki təzadlı istilik qurşağının ekosistemini (məs., cəngəlliklər və arktik düzənlik) xarakterizə və müqayisə edir və onlar arasında fərqlərin səbəbləri barədə mülahizə yürüdürsə.
Dostları ilə paylaş: |
