| 1991-ci il oktyabrın 9-da AR Ali Soveti milli özünümüdafiə qüvvələr haqqında qanun qəbul etdi. Özünümüdafiə dəstələri könüllülük əsasında təşkil edilirdi. Noyabrın 22-də sərhədyanı bölgələrdə ərazi özünümüdafiə taborları (batalyonları) yaradıldı. Belə bir şəraitdə 1992-ci ildə erməni seperatçıları Dağlıq Qarabağın azərbaycanlılar yaşayan Kərkicahan (yanvar), Malıbəyli Quşçular (fevral) kəndlərini ələ keçirdilər, Xocalı və Şuşanı mühasirəyə almağa başladılar. Şuşanı mühasirədən çıxarmaq məqsədilə 1992-ci il yanvarın 25-dən 26-na keçən gecə keçirilmiş "Daşaltı" əməliyyatı uğursuzluğa düçar edildi.
Bu uğursuzluq bir də ondan irəli gəlir ki, Respublika siyasi böhran içində idi. Hakimiyyət uğrunda açıq və gizli müharibələr aparanlar daha çox rəqiblərini rüsvay etmək üçün çalışır, onların tərəfini saxlayan silahlı dəstələr siyasiləşərək mövqeləri döyüşsüz verir, erməni tərəfi isə bundan məharətlə istifadə edirdi.
Dostları ilə paylaş: |
