Yeni DÜnya düZƏNİ

İran prezidenti Mahmud Əhmədinejad Buşəhrdə
Fevralın 2-də İranın Xarici İşlər Nazirliyi ölkənin Moskvadakı səfiri vasitəsilə bəyanat yayaraq bildirir ki, İran dosyesinin BMT-nin Təhlükəsizlik Şurasına nəql ediləcəyi halda rəsmi Tehran İAEA-nin ölkədə apardığı təftişləri məhdudlaşdıracaqdır.

Fevralın 4-də İAEA İdarəçilə Şurası böyük səs çoxluğu ilə İranın atmalı olduğu addımlar barədə BMT TŞ-nın məlumtlandırılması barədə qərar qəbul edir.

6 fevral da ABŞ senatının Respublikaçılar fraksiyasının başçısı, Corc Buşun yaxın dostu Con Makkeyn zərurət yaranacağı halda Konqres ABŞ-ın İrana qarşı hərbi gücdən istifadə edilməsini dəstəkləyəcəkdir.

Fevralın 7-də İAEA İranın nüvə proqramı barədə materialları BMT TŞ-na göndərilməsi barədə qərar qəbul edir.

Fevralın 11-də Mahmud Əhmədinejad bildirir ki, İran özünün dinc atom enerjisinə sahib olmaq hüququndan hec vaxt imtina etməyəcək.

12 fevral. İAEA təmsilçiləri İranın nüvə obyektlərinə vurulmuş plombları və müşahidə kameralarını sökür. Elə həmin gün dünya mətbuatında ABŞ-ın İrana hərbi zərbələr endirməyə hazırlaşdığı barədə xəbərlər yayılır.

16 fevral. Fransanın Xarici İşlər Nazirliyi ilk dəfə İranı gizli hərbi nüvə proqramına sahib olmaqla suçlayır.

17 fevral. İranın vitse-prezidenti Qulamrza Ağazadə “Rosatom”un başçısı Sergey Kirienki ilə apardıqları uğurlu danışıqlar barədə məlumat yayır.

1 mart. Vyanada İran nümayəndə heyəti və Avropa üçlüyü arasında danışıqlar aparılır.

3 mart. Avropa üçlüyü rəsmi Tehranın irəli sürdüyü uranın sənaye miqyasında zənginləşdirilməsinin dayandırılması, laboratoriyalarda isə davam etdirilməsi barədə təklifini rədd etdi.