Yo'riqnoma cdr

Ishchi o‘quv dasturini ishlab chiqish va tasdiqlash tartibi

10. 
    Professional ta’lim muassasasida ishchi o‘quv dasturi muayyan o‘quv fan (modul) ining tajribali o‘qituvchisi tomonidan (yoki bir nechta o‘qituvchilar tomonidan birgalikda) ishlab chiqiladi va belgilangan tartibda tasdiqlanadi;
    
11. 
    Ishchi o‘quv dasturning mazmuni, o‘quv jarayoniga joriy etilish bo‘yicha tuzuvchi va tasdiqlagan mas’ul direktor va direktor o‘rinbosari mas’ul hisoblanadi.
    
12. 
    Ishchi o‘quv dastur har bir o‘quv fan (modul)lar umumiy o‘quv soatlari asosida I, II, III va IV semestrlarga ajratilgan holda ishlab chiqiladi.
    
13. 
    Professional ta’lim muassasasida ishlab chiqilgan ishchi o‘quv dastur fan kafedralarda muhokama qilinadi. Muhokamada ishchi o‘quv dastur tarkibi va mazmuni, ishchi o‘quv rejaga, namunaviy o‘quv dasturi va o‘zlashtirish talablariga mosligi, ish beruvchining malaka talabi bilan integratsiya qilinganligi hamda ushbu Yo‘riqnomaga mosligi inobatga olinadi.
    
14. 
    Yo‘riqnoma talablariga muvofiq rasmiylashtirilgan ishchi o‘quv dastur kafedra yig‘ilishi bayonnomasi asosida ta’lim muassasasining Pedagogik kengashiga tavsiya etiladi, muhokama qilinadi, tasdiqlash va o‘quv jarayoniga tadbiq etish bo‘yicha Pedagog kengash qarori bilan ta’lim muassasasi direktori tomonidan tasdiqlanadi.
    

O‘quv fan (modul)lari ishchi o‘quv dasturi bosqichlari va ishlab chiqishga qo‘yiladigan talab

• 
  Ta’lim yo‘nalishi malaka talabi va o‘quv rejasini tahlil qilish:
  
• 
  o‘quv fan(modul)ini o‘zlashtirish natijalariga qo‘yiladigan talablar aniqlash va mavzularni moslashtirish;
  
• 
  o‘quv fan (modul) umumiy va kasbiy kompetensiyalarni (UK,KK)mazmuni aniqlash va mavzularni moslashtirish;
  

Ishchi dasturining tarkibi

• 
  titul varag‘i;
  
• 
  kirish;
  
• 
  o‘quv fan (modul)ining maqsad va vazifalari;
  
• 
  o‘qitish natijalari va mazmuniga qo‘yiladigan talablar;
  
• 
  o‘quv fan (modul)ini boshqa fanlar bilan uzviyligi;
  
• 
  o‘quv fan (modul)i mashg‘ulotga o‘quv soatlari I, II, III va IV semestrlarga ajratilgan jadvali;
  
• 
  o‘quv fan(modul)i mashg‘ulotining mavzular rejasi va mazmuni (jadval shaklida);
  
• 
  o‘quv fan (modul) kurs ishlari va loyiha ishlarining rejalashtirilganligi;
  
• 
  mustaqil ta’limga ajratilgan soatlar va mavzular mazmuni;
  
• 
  o‘quv uslubiy adabiyotlar ro‘yxati.
  

Titul varag‘i

Titul varag‘ining 1 betida quyidagilar keltiriladi (1-ilova):

• 
  professional ta’lim muassasasining boshqaruv organining to‘liq nomi;
  
• 
  professional ta’lim muassasasining to‘liq nomi;
  
• 
  ishchi o‘quv dasturini tasdiqlash to‘g‘risida ta’lim muassasasi direktori imzosi va muhri;
  
• 
  o‘quv fan (modul) ining namunaviy o‘quv rejasiga mos nomi;
  
• 
  o‘quv fan (modul)ining ta’lim yo‘nalishi (kodi), kasb (kodi) va kvalifikatsiyalar nomi;
  
• 
  ishchi o‘quv dasturini ishlab chiqishga asos bo‘lgan namunaviy o‘quv dasturining nomi va tasdiqlangan yili;
  
• 
  ishchi o‘quv dasturining ishlab chiqilgan yili.
  

Titul varg‘ining 2 betida quyidagilar keltiriladi (2-ilova):

• 
  professional ta’lim muassasasi tomonidan belgilangan tartibda tasdiqlanganligi to‘g‘risidagi ma’lumotlar;
  
• 
  ishchi dastur tuzuvchilarining F.I.Sh va lavozimi;
  
• 
  ishchi dastur taqrizchilarining F.I.Sh va lavozimi;
  

1. 
   Kirish
   

Kirish qismi quyidagi ma’lumotlarni o‘z ichiga oladi:

1. 
   Mutaxassisni kasbiy faoliyatga tayyorlashda o‘quv fani (moduli)ining o‘rni, belgilangan kasbiy faoliyat turi doirasida o‘quv fan (modul) o‘qitishning ahamiyati va dolzarbligi;
   
2. 
   O‘quv fan (modul)ning maqsadi va vazifalari namunaviy o‘quv dasturda keltirilgan maqsadlarga muvofiq qisqa va tushunarli bayon qilinadi;
   
3. 
   O‘qitish natijalari va mazmuniga qo‘yiladigan talablarda o‘quvchi yoki talaba egallashi zarur bo‘lgan bilim, ko‘nikma va malakani shakllantirish talablari keltiriladi;
   
4. 
   O‘quv fani (moduli)ining boshqa fanlar bilan uzviyligi, fanlararo aloqadorligi, mantiqiy davomiyligi bayon qilinadi.
   

Asosiy qism

1. 
   O‘quv fan (modul) o‘quv soatining semestrlarga taqsimoti (3-ilova):
   

• 
  ishchi o‘quv reja asosida fan(modul) soati;
  
• 
  taqsimot jadvalida 1-ustun tartib raqam, 2-ustun mashg‘ulot turlari, 3-ustun mashg‘ulot turlariga ajratilgan soat, 4-7-ustunlar semestrlar kesimida ajratilgan soat tartibda shakllantiriladi;
  

2. 
   O‘quv fan (modul)ning mashg‘ulot turlari bo‘yicha mavzular rejasi va mazmuni (4-ilova):
   

Ushbu bo‘limda pedagog kasbning malaka talabida mazkur fan (modul)ning umumiy va kasbiy kompetensiyalarini, namunaviy o‘quv dasturda keltirilgan o‘qitish natijalari, bilim va ko‘nikmalarini hamda ishchi o‘quv rejada o‘quv fan (modul)iga ajratilgan o‘quv yuklamasi (auditoriya mashg‘ulotlari, mustaqil ta’lim soati)ni tahlil qilish, muvofiqlashtirish, bilim, ko‘nikma va umumiy va kasbiy kompetensiyaning shakllanishi uchun mashg‘ulotlarni samarali tashqil qilish rejasini va metodikasini belgilab olishi lozim.
Ishchi o‘quv dasturni ishlab chiqishda ish beruvchi tashqilot, korxona, muassasalarning belgilangan tartibda talab va takliflarni hisobga olgan holda namunaviy o‘quv dastur mavzulariga 20 foizgacha o‘zgartirish va qo‘shimchalar kiritilishi mumkin. Ishchi o‘quv dasturiga kiritiladigan o‘zgartirish va qo‘shimchalar ta’lim muassasasining Pedagogik kengashida muhokama qilinadi va uning qarori bilan ishchi o‘quv dasturga belgilangan tartibda kiritiladi.
O‘quv fan (modul) ining mashg‘ulot turlari bo‘yicha mavzular rejasi va mazmuni bo‘limi jadval ko‘rinishida quyidagi tartibda ishlab chiqiladi:

1. 
   ustun: mashg‘ulot mavzulari tartib raqami yoziladi;
   
2. 
   ustun: “Fan (modul)ning mavzulari va mashg‘ulot turi” deb nomlanadi. Bu ustunda har bir mavzu tartib raqami qarshisiga mavzu nomi yoziladi. Shuningdek, qaysi mavzularga mustaqil ta’lim mavzulari ajratiladigan bo‘lsa ushbu mavzuga alohida “Mustaqil ta’lim” mavzulari yoziladi va ajratilgan soat alohida keyingi ustunga qayd etiladi;
   
3. 
   ustun: “Mashg‘ulot turi va soati” deb nomlanadi. Bu ustun o‘zi ikkiga bo‘linadi birinchi ustunda o‘quv rejaga muvofiq fan (modul) uchun mashg‘ulot turlari (nazariy mashg‘ulot-N, amaliy mashg‘ulot-A, laboratoriya ishi-L, seminar-SR va h.k) yoziladi, o‘quv amaliyoti mavzular rejasi va mazmuni faqat “Amaliy mashg‘ulot-A” tartibida yoziladi, ikkinchi ustunida mazkur mavzuga ajratilgan soat yoziladi. Shuningdek, mazkur ustunga mustaqil ta’lim mavzulari qatorida soatlari ham yoziladi.
   
4. 
   ustun: “O‘rganish natijalari (learning outcomes)” deb nomlanadi. Bu ustunda fan (modul) mavzularining murakkabligi darajasi asosida o‘rganish natijalari mazmuni va turlari belgilanadi.
   

Muayyan bir (nazariy yoki amaliy) mavzu, bo‘lim yoki fan (80 daqiqa, 40 soat, 100 soat) yakunida o‘quvchilarning o‘zlashtirish imkoniyati, mashg‘ulotga ajratilgan vaqt, ma’lumotlar bazasi yoki bajaradigan ishlar ko‘lamini hisobga olgan holda o‘rganish natijalarini shakllantirish uchun o‘qituvchi o‘rgatishni va natija olishni rejalashtiradi.
O‘rgatishni rejalashtirish – nimani o‘rgataman?, qanday o‘rgataman?, BLUM taksanomiyasining qaysi darajasini qo‘llayman?, BLUM taksanomiyasini qaysi fe’llarini qo‘llayman?, o‘rgatmoqchi bo‘lgan bilimni qaerda qo‘llaydi? kabi savollarga javob bergan holda shakllantiriladi.
Natija olishni rejalashtirish – o‘rganganligini qanday bilaman?, BLUM taksanomiyasini qaysi fe’llarini qo‘llayman?, real ish joyda qo‘llay oladimi? kabi savollarga javob bergan holda shakllantiriladi.

5. 
   ustun: “O‘rganish natijalarini baholash” deb nomlanadi. Bu ustunda o‘rganish natijalarini baholash har bir o‘rganish natijalarining (learning outcomes) turlari bo‘yicha baholashning (ish joyida amaliy ishni bajarib berish, simulyatsiya qilish, kasbiy diskussiya, og‘zaki savol-javob, yozma savol-javob, chizmalar, diagramma, formulalar, matnlar, rasmlar, loyiha, topshiriq, hisobot, ma’lumotnoma, demonstratsiya, test, ijobiy ish, prototip yasash, jihozlarni o‘rnatish, jihozlarga texnik xizmat ko‘rsatish, o‘lchash, portfolio tayyorlash kabi) aniq usuli yoki shakli orqali shakllantiriladi.
   

O‘rganish natijalarini baholash har bir o‘rganish natijalari turlari bo‘yicha bir yoki bir necha berilgan topshiriqlarning bajarilish sifatiga qarab baholash mezon orqali amalga oshiriladi. Shuningdek har bir o‘rganish natijasi turlari bo‘yicha bilim, ko‘nikmasi va kompetensiyasi baholash mezonlari orqali baholanadi. Baholash mezonlarini o‘rganish natijalari turlari bo‘yicha berilgan topshiriq (lar)ning bajarilish sifatiga qarab 100 ballik tizim asosida shakllantiriladi.

6. 
   ustun: “O‘rgatiladigan bilimlar” ustunida O‘rganish natijalari turlari bo‘yicha qanday bilimlarga ega bo‘lishi ko‘rsatiladi.
   
7. 
   ustun: “Shakllantiriladigan ko‘nikmalar” ustunida O‘rganish natijalari turlari bo‘yicha qanday ko‘nikmalar shakllanishi ko‘rsatiladi.
   

3. 
   O‘quv fan (modul) bo‘yicha kurs ishlari va loyiha ishlari rejalashtirilgan bo‘lsa ularning mavzulari keltiriladi.
   
4. 
   O‘quvchilarning mustaqil ishlarining mazmuni mashg‘ulotlar orqali shakllantirilishi kerak.
   

Mustaqil ish mavzulari quyidagilarni aks ettirishi kerak:

• 
  o‘quvchi faoliyatining turi va mazmuni;
  
• 
  o‘zgaruvchan va differensial xarakterga ega bo‘lishi;
  
• 
  Mutaxassislikning o‘ziga xos xususiyatlarini, o‘quv dasturining mazmunini hisobga olish. O‘quvchi uchun tushunarli tarzda bayon etilishi kerak
  
• 
  Mustaqil ish o‘quvchi tomonidan o‘qituvchining ko‘rsatmasi bilan, lekin uning bevosita ishtirokisiz amalga oshiriladi.
  

Mustaqil ish maqsadi, hajmi, mustaqil ishning aniq mavzulari, murakkabligi darajasi, o‘quvchilarning mahorat darajasiga qarab alohida yoki o‘quvchilar guruhlari tomonidan amalga oshirilishi mumkin. Mustaqil ishni shakllantirishda mavzu va faoliyat turini aniqlash kerak ( o‘quvchi ushbu mavzu bo‘yicha nima qilishi kerakligini tushuntirib bering).
Mustaqil ish o‘qituvchining o‘quv yuklamasiga kiritilmagan.

4. 
   O‘quv fan (modul)larini o‘quv jarayonini tashqil etish va o‘tkazish bo‘yicha tavsiyalar, qo‘llaniladigan innovatsion metod, usul va vositalar keltiriladi.
   
5. 
   O‘quv fan (modul)ining o‘quv jarayonini tashqil etishdagi didaktik vositalar turlari batafsil keltiriladi.
   
6. 
   Oraliq va yakuniy topshiriqlari keltiriladi. Topshiriqlar ta’lim mazmuniga muvofiq bo‘lishi, shakllantirilishi zarur bo‘lgan kompetensiyalarni, hamda o‘qitish natijasini to‘liq baholashga qaratilishi lozim.
   
7. 
   Baholash mezonlari.
   

O‘quv fani o‘zlashtirish natijalarini nazorat qilish va baholash o‘qituvchi dars jarayonida, amaliy ravishda amalga oshiriladi. Baholash metodlarini shakllantirish baholash ob’ekti nima ekanligini aniqlash kerak (aniq nimani baholash).
O‘qitish natijalarini faoliyat natijalari orqali baholash, kompetensiyalarni faqat faoliyat jarayonida baholanadi (faoliyatning to‘g‘ri bajarilganligini kuzatib borish).
O‘quv fan (modul)ining o‘qitish natijalarini va kompetensiyalarni baholash:

• 
  5 “A’lo”: amaliy faoliyatni to‘g‘ri bajarilishi (manipulyatsiyalar, modellar, ko‘nikmalar va hokazo) 90-100% ga bajarish;
  
• 
  4 “Yaxshi”: amaliy faoliyatni (manipulyatsiyalar, modellar, ko‘nikmalar va boshqalarni) bajarish algoritmiga muvofiq 75-89 foizga bajarish;
  
• 
  3 “Qoniqarli”: amaliy faoliyatni bajarish algoritmiga muvofiq talab qilinadigan ish turlarini (manipulyatsiyalar, modellar, ko‘nikmalar va h.k)60-74 foizga bajarish;
  
• 
  2 “Qoniqarsiz”: kerakli ish turlarini algoritmini bajarish ketma-ketligini sezilarli darajada buzilishi, amaliyot davomida topshiriqlarni to‘g‘ri bajarishga intilmaslik;
  
• 
  kerakli ish turlarini bajarish algoritmini qo‘pol ravishda buzgan holda (60% dan past) ish turlarini (manipulyatsiyalar, modellar, ko‘nikmalar va boshqalar) bajarish.
  

4. 
   O‘quv fan (modul) bo‘yicha o‘quv uslubiy adabiyotlar ro‘yxati va internet saytlari keltiriladi.
   

Yakuniy qoidalar

1. 
   Professional ta’lim muassasalarida o‘quv mashg‘ulotlarining tashqil etilishi hamda o‘quv fan (modul)lari uchun ishchi o‘quv dasturlarini mazkur Yo‘riqnoma talablari asosida ishlab chiqilishi yuzasidan Pedagogik innovatsiyalar, kasb-hunar ta’limi boshqaruvi hamda pedagog kadrlarni qayta tayyorlash va ularning malakasini oshirish instituti va kasbiy ta’limni rivojlantirish va muvofiqlashtirish hududiy boshqarmalari tomonidan nazorat qilinadi hamda tahliliy ma’lumotlarni olib boradi.
   
2. 
   Mazkur Yo‘riqnomaga o‘zgartirish va qo‘shimchalar kiritish Oliy va o‘rta maxsus ta’lim vazirligining tegishli buyrug‘i asosida belgilangan tartibda amalga oshiriladi.