| Dəmiryolu nəqliyyatında tikinti qurğuları kompleksi haqqında məlumat
Dəmiryolu nəqliyyatı çox sahəli təsərrüfat sahəsi olub, tərkibinə dəmir yolları, dəmir yollarına xidmət edən müəssisələr, həmçinin inzibati-təsərrüfat, mədəni-məişət, tibbi, elmi tədqiqat və təhsil müəssisələri daxildir. Daşıma proseslərinin yerinə yetirilməsi üçün dəmir yolu hərəkət tərkibi, dəmiryol tikinti və qurğularından ibarət infrastruktura malik olan aşağıdakı bölmə və sahələrdən ibarətdir:
Dəmiryol şəbəkəsi-buraya dəmir yolları, stansiya, dalan və ehtiyat yolları, qəbul məntəqələri, qatarların tərtib edilməsi, kəsişməsi, göndərilməsi, qəbul edilməsi və digər əməliyyatların yerinə yetirilməsi üçün məntəqələr daxildir;
Sərnişinlərin düşməsi, minməsi və xidməti üçün qurğuları;
Yükboşaltma, yükvurma və yüksaxlanma qurğuları;
Qatarların hərəkət təhlükəsizliyini təmin edən, istehsalat proseslərini sürətləndirən avtomatika, telemexanika, rabitə və hesablama texnikası sistemləri;
Vaqon və lokomotivlərin təmiri üçün istehsalat sahələri və qurğuları;
Elektrik təchizatı qurğuları və həmçinin elektrikləşdirilmiş dəmir yollarının dartı yarımstansiyası və kontakt şəbəkəsi;
Su təchizatı qurğuları, maddi-texniki təchizat qurğuları.
Dəmir yolunun ayrılmaz tərkib hissəsi olan metropoliten, qatarların hərəkətinin təşkili problemləri, metro yollarının və stansiyaların işinə xidmət, vaqonların təmiri və s. texniki-təşkilati tədbirləri yerinə yetirir.
Dostları ilə paylaş: |
