1.4.
|
İKT-də qadınlar layihəsinin həyata keçirilməsi
|
NRYTN
|
AQUPDK, TN
|
Hər il
|
Nəqliyyat, Rabitə və Yüksək Texnologiyalar Nazirliyinin tərəfindən keçirilən tədbirlər:
- 21 aprel 2019-cu il tarixində NRYTN, TN, Şamaxı Rayon İcra Hakimiyyəti, Azərbaycan Qadınlarının İKT Klubu - “FEMMES DIGITALES”, “STEP IT Academy”, “Barama” İnnovasiya və Sahibkarlıq Mərkəzi və BMT-nin İnkişaf Proqramının Azərbaycan nümayəndəliyinin təşkilati dəstəyi ilə Şamaxı şəhər İncəsənət Təhsili Mərkəzində “İKT-də qızlar” gününə həsr olunmuş 8-10-cu siniflərdə təhsil alan şagird qızlar üçün IV Regional Konfrans təşkil olunmuşdur. 70-dək məktəbli qızın iştirakı ilə baş tutan tədbirdə qızlara informasiya texnologiyalarının əhəmiyyəti, bu sahədə təhsilin vacibliyi və geniş iş imkanları barədə məlumatlar verilmiş, innovativ ideyalar üzrə startap layihələrinin formalaşdırılmasına dair təlim keçirilmişdir;
- 25 aprel 2019-cu il tarixində Bakıda NRYTN, “AREA” Robotexnika və Mühəndislik Akademiyası və “Chip.az” MMC-nin təşkilatçılığı ilə informasiya texnologiyaları ixtisası üzrə təhsil alan tələbə qızlar üçün “İKT-də xanımlar: imkanlar və perspektivlər” mövzusunda təlim keçirilmişdir. Təlimdə İT sahəsində müasir trendlər, sosial şəbəkələrdə biznes, qızlar üçün İKT-də karyera yolu, robototexnika sahəsində iş imkanları, Azərbaycanda robototexnikanın inkişaf perspektivləri haqqında ətraflı məlumat verilmişdir;
- 2019-cu ildən UNESCO-nun maliyyə dəstəyi və NRYTN-in İKT-nin Tətbiqi və Tədrisi Mərkəzinin təşkilatçılığı ilə “Rəqəmli Qızlar (“Digital Girls”) – Milli Təlim Proqramı” adlı sosial layihəsinə start verilmişdir.
Layihənin məqsədi gender arası rəqəmli fərqliliyinin azaldılması, qadınların rəqəmli bacarıqlarının inkişafı və ölkəmizdə qadınların şəxsi inkişafının dəstəklənməsidir. Layihə çərçivəsində ümumilikdə 300 xanıma rəqəmli biliklər üzrə təlimlərin keçirilməsi nəzərdə tutulur.
|
