Yuridik kollejlari

KАZUS (MUАMMOLI VАZIYAT)LАR TO’PLАMI 
 
1-masala 
2013-yilning  yozida  Toshkent  shahri  Olmazor  tumanida 
yashovchi  fuqaro  B.Komilov  o’ziga  qarashli  er  uchastkasida  olti 
xonadan  iborat  turar  joy  binosi  qurdi.  Oradan  o’n  yil  o’tgach  fuqaro 
Komilov  K.ning  hovlisi  joylashgan  hududdan  avtomobil  magistral 
yo’li qurish loyihasi davlat dasturiga kiritildi.  
Mazkur  holat  bo’yicha  hokimiyat  vakili  fuqaro  B.Komilovga 
qarashli  er  o’rniga  boshqa  er  berilishini,  uy-joy  qurish  uchun  esa 
mablag’  berilmasligini  ta’kidlab  o’tdi.  Sababi  fuqaro  B.Komilovning 
turar  joyi  qonunchilik  talablariga  javob  bermasligini  aytib,  asos  qilib 
Uy-joy  kodeksining  9-modda  (Fuqarolarning  doimiy  yashashiga 
mo’ljallangan,  belgilangan  sanitariya,  yong’inga  qarshi,  texnik 
talablarga javob beradigan, shuningdek belgilangan tartibda maxsus 
uylar  (yotoqxonalar,  vaqtinchalik  uy-joy  fondi  uylari,  nogironlar, 
faxriylar,  yolg’iz  qariyalar  uchun  internat-uylar,  shuningdek  bolalar 
uylari  va  boshqa  maxsus  maqsadli  uylar)  sifatida  foydalanishga 
mo’ljallangan joylar turar joy deb hisoblanadi)sini keltirib o’tdi. Ya’ni 
uning  turar  joyi  belgilangan  sanitariya  talablarga  javob  bermasligini 
ko’rsatib  o’tdi.  Fuqaro  B.Komilov  turar  joyida  sanitariya  talablari 
yomonligini bir qancha sabablarini aytib o’tdi: 
Birinchidan, uning ko’chasiga asfalt yotqizilmaganligi. 
Ikkinchidan, kanalizatsiya tizimi ishdan chiqqanligi. 
Uchinchidan,  uyiga  yaqin  joyda  sochiq  ishlab  chiqaruvchi  zavod 
borligi. 
O’z  navbatida.  fuqaro  B.Komilov  O’zbekiston  Respublikasi 
Shaharsozlik  kodeksining  20-moddasiga ko’ra,  tuman  hokimi  aholini 
oqilona  joylashtirish,  muhandislik,  transportga  oid  va  ijtimoiy 
infratuzilmalarni  rivojlantirish  masalalarini  hal  etishga  majbur 
ekanligini ta’kidlab o’tdi.  
Tuman  hokimiyati  turar  joy  binosi  ichida  sanitariya  talablarini 
bajarish  fuqaro  tomonidan  shaxsan  bajarilishini,  tashqi  ta’sirlarning 
bunga aloqasi yo’qligini ta’kidlab o’tdi. Bundan norozi bo’lgan fuqaro 
B.Komilov sudga shikoyat qildi. 

---

135