Yuridik kollejlari
Yüklə 1,86 Mb. Pdf görüntüsü
|
|
Ma`muriy hujjat shakllari Tagishli hujjat berish Muayyan harakatni amalga oshirish 104 hujjat ishni ko’rib chiqish jarayonida dalil bo’lib xizmat qiladi. Yozma tarzda qabul qilingan ma’muriy hujjatda ma’muriy organning qarori mustahkamlab qo’yiladi. Uni har xil talqin etishning imkoni esa kamayadi. 5. Ma’muriy hujjatlarning qonuniyligini isbotlab berish majburiyati fuqarolar zimmasida emas, balki ma’muriy organ mansabdor shaxsi zimmasidadir. Аgar barcha ma’muriy hujjatlar yozma emas, og’zaki tarzda qabul qilinganda edi, bunday ma’muriy hujjatlar noqonuniy tarzda qabul qilingan bo’lsa ham ma’muriy organ mansabdor shaxsi tomonidan uning qonuniyligini isbotlab berish oson kechar edi. Bu esa ma’muriy organ va uning mansabdor shaxsiga qaraganda kuchsiz taraf hisoblanmish fuqaro uchun katta zarar keltirishi mumkin edi. Ta’kidlash joizki, ma’muriy hujjatlarning yozma tarzda qabul qilinishi ma’muriy organlar uchun qo’shimcha ish yoki ular ishining ko’payishiga sabab bo’ladigan holat bo’lib tuyulishi mumkin. Аmmo qonun talabi shunday. Bu bejiz emas. Qonun ma’muriy hujjatning yozma tarzda qabul qilinishi fuqaroga yuqorida keltirilgan ijobiy jihatlarini hisobga olayotgan bo’lsa ajab emas. Demak, yuqoridagilardan xulosa qilib aytish mumkinki, ma’muriy hujjatlar nafaqat mazmun, balki shaklga ham egadir. Ma’muriy hujjatlarning yozma shakli orqali uning mazmuni ro’yobga chiqadi. Umumiy qoidaga binoan ma’muriy hujjatlar alohida yozma shaklda qabul qilinadi. Buning esa fuqarolar uchun bir qator afzalliklari va ma’muriy organlar va ularning mansabdor shaxslari zimmasiga esa bir qator mas’uliyat yuklaydi. Boshqa tegishli hujjatni berish orqali ma’muriy hujjatni qabul qilish deyish bilan nima nazarda tutilmoqda? Bunga kundalik hayotimizda quyidagi holatni misol qilib keltirish mumkin. Barcha fuqarolar 16 yoshga to’lganda pasport olish majburiyatiga ega bo’ladilar. tegishli hujjatni berish orqali ma’muriy hujjatni qabul qilishdir. Transport vositasini boshqarish uchun haydovchilik guvohnomasini berish ham bunga misol bo’la oladi. Muayyan harakatlarni amalga oshirish orqali ma’muriy hujjatni berish yuqorida ta’kidlangani singari qonun hujjatida nazarda tutilgan bo’lishi kerak. Bunda bironta yozma shakldagi ma’muriy hujjat qabul 105 qilinmaydi. Аksincha, muayyan harakatni bajarish yozma ma’muriy hujjat vazifasini bajaradi. “Ma’muriy tartib-taomillar to’g’risida”gi O’zbekiston Respublikasi Qonunining 52-moddasi ikkinchi qismiga binoan yozma ma’muriy hujjat ma’muriy organning vakolatli mansabdor shaxsi yoki kollegial organ a’zolari tomonidan imzolanadi va ma’muriy organning muhri bilan tasdiqlanadi. Demak, yozma ma’muriy hujjatning shaklidagi muhim belgi − bu ma’muriy organning vakolatli mansabdor shaxsi yoki kollegial organ a’zolari tomonidan imzolanishi va ma’muriy organning muhri bilan tasdiqlanishidir. Bu ma’muriy hujjatning qonuniyligini kuchaytiradi. Unga nisbtan ishonchni vujudga keltiradi. Bunday talab faqat yozma tarzda berilgan ma’muriy hujjatga nisbatan tadbiq etiladi. Boshqa tegishli hujjatni berish yoki muayyan harakatlarni amalga oshirish ko’rinishidagima’muriy hujjatlar uchun ma’muriy organning vakolatli mansabdor shaxsi yoki kollegial organ a’zolarining imzosi va ma’muriy organning muhri talab etilmaydi. Yüklə 1,86 Mb. Dostları ilə paylaş:
|