Yuridik kollejlari

Yodda tuting! 
 
Yuqoridagilardan  kelib  chiqib  shuni  xulosa  qilish  mumkinki, 
ma’muriy  hujjatlar  ularning  shakli  va  mazmuni  talablariga  javob 
berishi  kerak.  Ma’muriy  hujjatlarda  shakl  va  mazmunning 
uyg’unligini  ta’minlash  orqali  ularni  talab  etilgan  darajada 
rasmiylashtirishga erishish mumkin.  
 

 
Ma’muriy hujjat qanday asoslantiriladi? 
Ma’muriy  hujjatni  qabul  qilishda  ma’muriy  organ  har  jihatdan 
e’tiborli  bo’lishi  kerak.  Bunda  asosiy  e’tibor  ma’muriy  hujjatni 
asoslantirishga qaratilishi kerak.Sababi: 
1. Qabul  qilinayotgan  qarorning,  eng  avvalo,  mazmunan  kelib 
chiqish asoslari ko’rsatib o’tilishi kerak; 
Ma'muriy  ixtiyoriylik  (diskretsion  vakolat)  asosida  qabul  qilingan  ma'muriy  hujjatda 
quyidagilar ko'rsatib o'tilishi mumkin: 
muayyan  huquqning  yoki  majburiyatning  kuchga  kirish,  o'z  kuchini  yo'qotish  payti 
yoki amal qilish muddati; 
muayyan  hodisaga  yoki  kelajakda  huquqning  yoxud  majburiyatning  kuchga  kirishi 
yoki o'z kuchini yo'qotishi bilan bog'liq bo'lgan shartga doir ko'rsatma; 
ma'muriy hujjatni bekor qilish huquqi yoki kelgusida qo'shimcha farmoyishlar berish 
huquqi ma'muriy organda saqlanib qolishi to'g'risidagi izoh; 
adresatga  muayyan harakatlarni amalga oshirish, amalga oshirishga yo'l qo'yish yoki 
amalga oshirishdan tiyilish xususida ko'rsatma beruvchi qo'shimcha farmoyishlar. 

---

109
 
2. Fuqaro  o’ziga  nisbatan  qabul  qilinayotgan  qaror  nimaga 
asoslanilayotganini bilish imkoniga ega bo’lishi kerak; 
3. Yuqori turuvchi organ va sudlar ma’muriy hujjat ustidan keltirib 
o’tilgan  shikoyatlarni  ko’rib  chiqish  paytida  qarorning  asosli  ekanini 
tekshirish maqsadida aynan asoslantiruvchi qismga e’tibor qaratadilar; 
4. Аsoslantirish orqali qaror qabul qilishga asos bo’luvchi sabablar 
ko’rsatib  o’tiladi.  Ushbu  sabablar  aniq  bayon  etilishi  lozim.  Аgar 
qarorda  fuqaroning  talabi  qanoatlantirilishi  rad  etilsa,  rad  etilish 
sabablari  aniq  bayon  etilishi  hamda  mazkur  sabablar  qonun  hujjati 
normalari bilan bog’langan bo’lishi lozim.