Yuridik kollejlari

Manfaatdor shaxsning arizasiga qanday talablar qo’yilgan? 
Ma’muriy  organga  beriladigan  arizada  quyidagi  ma’lumotlar 
ko’rsatilgan bo’lishi kerak: 
1) ariza berilayotgan ma’muriy organning nomi; 
2)  arizachi –  jismoniy  shaxsning  familiyasi,  ismi,  otasining  ismi, 
uning yashash joyi, agar arizachi yuridik shaxs bo’lsa – uning nomi va 
joylashgan  eri  (pochta  manzili),  shuningdek  agar  ariza  vakil 

---

91
 
tomonidan  berilayotgan  bo’lsa,  vakilning  nomi  (familiyasi,  ismi, 
otasining ismi) va manzili; 
3) arizachining talabi; 
4) arizaga  ilova  qilinadigan  hujjatlarning  ro’yxati  (agar  bunday 
hujjatlar mavjud bo’lsa); 
5) ariza berilgan sana. 
Аriza arizachi yoki uning vakili tomonidan imzolanadi. Аgar ariza 
vakil  tomonidan  berilgan  bo’lsa,  unga  ishonchnomaning  yoki 
vakilning  vakolatlarini  tasdiqlovchi  boshqa  hujjatning  ko’chirma 
nusxasi  ilova  qilinishi  kerak.  Qonun  hujjatlarida  nazarda  tutilgan 
hollarda,  boshqa  jismoniy  va  yuridik  shaxslarning  manfaatlarini 
ko’zlab berilgan arizada ushbu moddada ko’rsatilgan ma’lumotlardan 
tashqari o’z manfaati himoya qilinayotgan shaxsning nomi (familiyasi, 
ismi,  otasining  ismi),  uning  manzili  (pochta  manzili)  va  qonun 
hujjatlarida  nazarda  tutilgan  boshqa  axborot  ko’rsatilgan  bo’lishi 
kerak.  Аriza  va  unga  ilova  qilinadigan  hujjatlarga  nisbatan  qonun 
hujjatlarida boshqa talablar ham nazarda tutilgan bo’lishi mumkin. 
Ma’muriy  organ  arizachidan  qonun  hujjatlarida  nazarda 
tutilmagan  axborotni  yoki  hujjatlarni  taqdim  etishni  talab  qilishga, 
shuningdek arizaga va unga ilova qilingan hujjatlarga nisbatan talablar 
qo’yishga  haqli  emas.  Elektron  shaklda  beriladigan  arizalarda 
arizachining  elektron  manzili  hamda  yagona  identifikatori,  qonun 
hujjatlarida  nazarda  tutilgan  hollarda  esa  elektron  raqamli  imzo  va 
boshqa  rekvizitlar  ko’rsatilishi  kerak.  Аrizada  elektron  manzilning 
ko’rsatilganligi  arizachining  xabarlarni  axborot  tizimi  orqali  qabul 
qilishga bo’lgan roziligidir. 
Jismoniy  va  yuridik  shaxslar  arizalarni  og’zaki  shaklda  berishga 
ham  haqli,  bundan  qonun  hujjatlarida  to’g’ridan-to’g’ri  taqiqlangan 
hollar mustasno. 
Ma’muriy  organga  kelib  tushgan  ariza  o’sha  kunning  o’zida 
ro’yxatdan  o’tkazilishi  lozim.  Ma’muriy  organ  arizachiga  ariza 
ro’yxatdan o’tkazilganligini tasdiqlovchi tegishli hujjat (belgi) berishi, 
ariza  elektron  shaklda  berilgan  taqdirda  esa,  ariza  ro’yxatdan 
o’tkazilganligini  ma’muriy  organning  rasmiy  veb-saytidagi  elektron 
xabar  bilan,  tegishli  yozuvga  havola  bilan  yoki  qonun  hujjatlarida 

---

92 
nazarda  tutilgan  boshqa  usul  bilan  tasdiqlashi  shart.  Ma’muriy 
organda arizani ro’yxatdan o’tkazishni rad etishga yo’l qo’yilmaydi. 
