Tədqiqatın metodları. Tədqiqat təsviri, müqayisəli-tutuşdurma, transformasion təhlil metodlarından istifadə edilməklə yazılmışdır. Tədqiqatın metodları qarşıya qoyulan vəzifələrin yerinə yetirilməsinə uyğun olaraq seçilmişdir. Bu metod və üsulların seçilməsində məqsəd qarşılaşdırılan dillərdə zaman budaq cümlələrinin ümumi və fərqli cəhətlərinin aşkar edilməsi və təhlilindən ibarətdir.
Müdafiəyə çıxarılan əsas müddəalar:
1. Zaman budaq cümləli tabeli mürəkkəb cümlə qarşılaşdırılan qarşılaşdırılan dillərin tarixi inkişafının məhsulu olaraq həmin dillərin qrammatik quruluşunun xüsusiyyətləri ilə müəyyənləşir və gerçəkliyin zaman münasibətlərinin ifadə vasitələrinin geniş yayılmış tiplərindən biri kimi çıxış edir.
2. Zaman budaq cümləli tabeli mürəkkəb cümlələrin yalnız birüzvlü və ya birözəkli olması zaman budaq cümləsinin baş cümlənin yalnız bir üzvünü aydınlaşdırmasının nəticəsidir.
3. Qarşılaşdırılan dillərdə zaman budaq cümləli tabeli mürəkkəb cümlələrdə baş və budaq cümlələrin xəbərlərində zaman, şəkil və şəxs kateqoriyasının təzahürü ümumi, budaq cümlələrin xəbərinin morfoloji səciyyə etibarilə müxtəlifliyi isə fərqli cəhət kimi qiymətləndirilməlidir.
4. Zaman budaq cümləsinin xəbəri bağlayıcı vasitələrin səciyyəsindən asılıdır.
5. İngilis dilində budaq cümlənin xəbərinin morfoloji ifadəsində müəyyən məhdudiyyət, Azərbaycan dilində isə daha çox sərbəstlik vardır.
6. Zaman budaq cümləsinin sıralanma qaydası struktur-semantik səciyyə baxımından mühüm önəm daşıyır. Qarşılaşdırılan dillərdə baş və budaq cümlənin ədəbi dil üçün səciyyəvi sıralanma qaydasının dəyişməsi struktur, kommunikativ, üslubi xüsusiyyətlərdən, eləcə də bağlayıcı vasitələrin semantikasından asılı olur.
Dostları ilə paylaş: | 
