Aŭtuna Renkontiĝo ĉe la Katalunoj
La 18an -19an de septembro, kiel anoncite, okazis nia Aŭtuna Renkontiĝo proksime de Vic. Aliĝis 13 homoj el Barcelono, Sabadell, Mollet, Balaguer kaj Sant Cugat. La staĝejo estis kampara lernejdomaro luata de diversaj grupoj. Esperantistoj okupis unu el la domoj. Ni disponis pri dormoĉambroj kaj salono, kiu taŭgis por nia kultura programo, kiu konsistis ĉefe el informa prelegaro pri la diversaj internaciaj aranĝoj kaj institucioj de Esperantujo. Al tio oni aldonis interesan statistikan studon pri la lingvo esperanto kaj ĝia evoluo.
La amuza flanko koncentriĝis dimanĉe kaj konsistis el banoj, ekskurso kaj vortkonkurso. Entute ĝi estis trankvila kaj malstreĉiga semajnfino ĉirkaŭita de bela pejzaĝo.
– Karles Berga
Dostları ilə paylaş: |
