Ózbekstan respublikasí joqarǵi bilimlendiriw, PÁn hám innovaciyalar ministrligi

Keys-stadi tálim metodına tiyisli ayırım tiykarǵı túsinikler tariypi:

“Keys” hám “keys-stadi” túsinikleriniń mánis-mazmunı kóp qırlı bolıp, soǵan kóre tómende olardıń tiykarǵı qásiyetlerin tolıqlaw sáwlelendiriw maqsetinde kóp variantlı tariypleri berildi.

Keys -
1) tálim alıwshılardıń málim maqsetlerdegi turmıslıq wazıypalardı orınlawları boyınsha jaǵdaydıń bayanı, onı túsiniw hám bahalawǵa múmkinshilik beretuǵın hám de mashqalanı ańlatıw ushın, onıń maqsetke muwapıq sheshimin izlewleri ushın kerek materiallar kompleksi;
2) belgilengen tema yamasa mashqala jáne onıń sheshimine tiyisli qosımsha informaciyalar, audio, video, elektron tasıwshılar, oqıw -stilistik materiallar jıyındısı ;
3) mashqalanı sheshiw boyınsha ámelge asırılǵan jumıslar, olardıń nátiyjelerine juwmaqlar.

Keys-stadi -
1) tálim alıwshılardı úyrenilip atırǵan mashqalanı ańlatıw hám de onıń maqsetke muwapıq sheshim variantların izlewge jóneltiretuǵın anıq real yamasa jasalma túrde jaratılǵan jaǵdaydıń mashqalalı -jaǵdaylı analiz etiliwine tiykarlanatuǵın tálim metodı bolıp tabıladı.
2) tálim, informacion-kommunikaciya, basqarıwda basqa tarawlardı úyretiwde qoyılǵan tálim maqsetin ámelge asırıw hám keysde bayanlanǵan ámeliy mashqalalı jaǵdaydı sheshiw processinde aldınnan belgilengen (boljaw etiletuǵın ) oqıw nátiyjelerine kepillikli erisiwdi qurallı tárizde támiyinleytuǵın, bir tártipke keltirilgen optimal usıllar hám qurallar kompleksinen ibarat bolǵan tálim texnologiyası bolıp tabıladı.
Jaǵday (latınsha situation - jaǵday ) - arnawlı bir jaǵday, jaǵdaydı payda etetuǵın shárt-shárayatlar hám jaǵdaylar jıyındısı. Keysda bayanlanǵan jaǵday institusional sistemada (sol orında hám keyinirek - kárxanada ) diskret (áyne sol) waqıtta shólkemlestirilgen turmıstaǵı tipik mashqalalardi qayta jaratatuǵın real yamasa jasalma qurılǵan hádiyselerdiń ideal tárizdegi inikosidan ibarat esaplanadi.
Mashqalalı jaǵday - usı halda jaǵday subyektiniń házirgi waqıtta yamasa kelesidegi maqsetlerge jetiwine qáwip salatuǵın jaǵday túsiniledi.