Ózbekstan respublikasí mektepke shekem hám mektep bilimlemdiriw ministrligi respublikalíq bilimlendiriw orayí

Tapsırma

1.Tekstke joba dúziń.
2. Teksttiń mazmunın saqlaǵan halda óz pikirińiz benen dawam ettiriń.

II VARIANT


Atamnıń kásibi
Meniń atam ekinshi jer júzilik usıtıń mayıbı. Onıń bir ayaǵın fashist oǵı julıp ketken. Ol sonda da úyde qarap otırmaydı. Stadionnıń qasındaǵı kishkene budkada etik mayshı bolıp isleydi.
Bizler atamnıń islep tapqan aqshasına zárúr emespiz. Aǵamda, apam da, ájaǵam da jumıs isleydi. Atama “jimıs islemey-aq qoy”dep talay mártebe aytqan menen ol isley berdi. Adamlardıń mútájin pitkergendi abzal kóredi.
Bizler atamnıń budkasınıń qasındaǵı stadionda hár kúni sabaqtan soń futbol oynaymız. Biraq atam meniń futbol oynaǵanıma qarsı, ayaqtan mayrılıp qaladı dey me, sporttıń basqa túri menen shuǵıllan dey beredi.
Meniń futboldı taslap ketiwge kózim qıymaydı. Óytkeni, balalar sport mektebindegi trenerimiz “Sennen nátiyje shıǵadı” dep meni hámmeniń aldında maqtaydı. Bir saparı qońsı kósheniń komandası menen oynap atırǵanımızda top jırtılıp qaldı. Basqa top joq, bizler bolsaq, 1:0 esabında utılıp atırmız. Endi ne qılamız dep qapa bolıp turǵanda kapitanımız:
—Azat, seniń atań etikshi ǵoy, apar tigip bersin, —dedi.
Men toptı alıp atamnıń budkasına juwırıp kettim. Kelsem, úsh kisi tufliyin maylawǵa gezek kútip tur eken. Jumısımdı aytıwǵa batına almay, atamnıń qasına jırtıq toptı qoydım. Atam da meniń ne ushın kelgenimdiiiiiárhal sezdi:
—Mına adamlardı jibergennen soń tigip beremen, balam,-dedi.
—Joraları asıǵıs kútip turǵan shıǵar, tigip bere ǵoyıń, bizler kútip turamız,‒dedi birewi meniń jaǵdayıma túsinip.
Atam olardıń ruqsatı menen toptı tigip berdi.Men onı awzıma alıp úrledim de quwanıshım qoynıma sı,stadion betke juwırıp kettim.
Erteńine sabaqtan soń bizler taǵı bir kósheniń komandası menen joldaslıq ushırasıw ótkerdik. Top taǵı bir jerinen sótilip, jırtıldı.

• 
  Azat, atańa aparıp, tiktirip qayt!-dedi qarsılas komandanıń bir balası.
  

—Yaq, atamnıń jumısına kesent erpeymen, ‒dedim men.

• 
  Aparsesh! Búgin nátinde bir pátińke may pulın azlaw ákeler úyińe!‒dedi jańaǵı bala qazbalap.
  

Meniń qattı ızam keldi, Onıń menen tóbelese jaq edim, joralarım táselle bergen soń ózimdi bastım. Oyındı taslap úyge keldim.
Sol kúni mazam bolǵan joq. Awhalımdı atam dárhal sezdi.
—Saǵan ne boldı,nege kewil-xoshıń joq, balam?-dedi ol.
Men bolǵan waqıyanıń barlıǵın qaldırmastan berdim.
—Kásiptiń jamanı joq, balam,‒dedi atam. Qanday kásipte isleseń de el-jurtıńa, xalqıńa,watanıńa kerek bolıwıń kerek...
Atamnıń gáplerinen keyin bul sózlerdiń tereń mánisin uqqanday boldım hám onı maqullap basımdı iyzedim. ( A.Sultanov)
Tapsırma

1.Tekstke joba dúziń.
2. Teksttiń mazmunın saqlaǵan halda óz pikirińiz benen dawam ettiriń.