2 nömrəli Baki Baza Tibb Kollecinin
direktoru Dilarə Məmmədəliyevaya
14.04.2016-cı il tarixli
05/5995 nömrəli məktuba
Səhiyyə Nazirliyinə ünvanladığınız xaricdə təhsil alan mütəxəssislərin diplomları barədə müraciətinizə baxılmışdır.
Bildiririk ki, Azərbaycan Respublikası Nazirlər Kabinetinin 12.01.1999-cu il tarixli 5 nömrəli qərarı ilə təsdiq edilmiş “Xarici ölkələrdə hazırlıq alan tibb və əczaçılıq işçilərinin Azərbaycan Respublikasında tibbi və əczaçılıq fəaliyyəti ilə məşğul olmağa buraxılması Qaydası”na uyğun olaraq 2000-ci ildən başlayaraq xarici ölkədə tibbi və əczaçılıq təhsili alan mütəxəssislər Azərbaycan Respublikasının Səhiyyə Nazirliyində tibb və ya əczaçılıq fəaliyyəti ilə məşğul olmağa buraxılması barədə şəhadətnaməni almalıdırlar.
1988-2000-ci illərdə xarici ölkəlrdə orta ixtisas tibb təhsili alan şəxslərin arasında saxta diplomlar aşkar olunduğu üçün həmin illərdə təhsil alan şəxslərin sənədlərinin yoxlanılması məqsədəuyğun hesab olunur. Bununla bağlı təkmilləşdirmə kurslarına göndərilən işçilərinin diplomların surətlərini Səhiyyə Nazirliyinə göndərilməsini xahiş edirik. Orta ixtisas tibb təhsili haqqında diplomları təsdiq olunan tibb işçiləri sertifikasiyaya buraxılırlar.
Kadrlar, elm və təhsil
şöbəsinin müdiri Kəmalə Mehdiyeva
Dostları ilə paylaş: | 
