Azərbaycan döVLƏt neft və SƏnaye universiteti

AZƏRBAYCAN DÖVLƏT NEFT VƏ SƏNAYE UNİVERSİTETİ
Fakültə: İnformasiya texnologiyaları və idarəetmə
Kafedra: Cihaz mühəndisliyi
Qrup: 611.19
İxtisas: Cihazqayırma mühəndisliyi 050624
K U R S İ Ş İ
Fənn: Informasiya ölçmə sistemləri
Mözvzu: Vericilərlə informasiyanı emaletmə sxemlərini qalvanik ayıran transformatorlu qalvanik ayrıcılı izolyasiyaedici ƏG. Əsas parametrlərin hesablanması

Tələbə: Xələfova A.F.

Rəhbər: t.e.n.,dos. Abbasov V.A.
Norma nəzarətçi: b.lab. İskəndərova G.Ş.
Kaf. müd: t.e.d., dos. Bəkirova L.R.


BAKI – 2022

AZƏRBAYCAN DÖVLƏT NEFT VƏ SƏNAYE UNİVERSİTETİ
KURS İŞİ ÜZRƏ TAPŞIRIQ № 18


Qrup: № 611.19 İxtisas: Cihazqayırma mühəndisliyi
Tələbə: Xələfova A.F. Məqbul kitabçası: №
Kurs işinin rəhbəri: Abbasov Vaqif Abbas
Tapşırığın verildiyi tarixi: 19.09.2022
Kurs işinin təhvil verilmə tarixi:
Kurs işinin mövzusu: Vericilərlə informasiyanı emaletmə sxemlərini qalvanik ayıran transformatorlu qalvanik ayrıcılı izolyasiyaedici ƏG.Əsas parametrlərin hesablanması
Kurs işinə başlanğıc verilənlər: Rə = 900 Om, R1 = 90 Om, Ugir1 = 30 mV, Ugir2 = 35 mV.

Ədəbiyyat:

1. 
   Abbasov V. A Məmmədov U. Q Ölçmə qurğularının sxemotexnikası. Dərs vəsaiti. Bakı: ADNSU nəşriyyatı, 2021. – 163 səh.
   
2. 
   Abbasov V. A İnformasiya ölçmə sistemlərinin sxemotexnikası mühazirə məcmusu, 2021
   

Kafedra müdrinin imzası: t.e.d., dos. Bəkirova L.R .
Kurs işi rəhbərinin imzası: t.e.n.,dos. Abbasov V.A.
Tələbənin imzası: Xələfova A.F.
Kurs işinin müdafiə olunma tarixi: Qiymət:
Komissiya sədri : t.e.d.,dos. Bəkirova L.R.
Komissiya üzvləri :1. b.lab. İskəndərova G.Ş.
2. t.e.n.,dos. Abbasov V.A.


REFARAT

Bu kurs işində əsas məqsəd “İnformasiya ölçmə sistemləri” fənni üzrə bilik və bacarıqlarımızı artırmaqdır.

Kurs işində vericilərlə informasiyanı emaletmə sxemlərini qalvanik ayıran transformatorlu qalvanik ayrıcılı izolyasiyaedici ƏG haqqında məlumat hazırlanmışdır. Əlavə olaraq əməliyyat gücləndiriciləri, vericilər haqqındada məlumat verilmişdir. Bu kurs işində əsas parametrlər hesablanmışdır.
Kurs işində transformatorlu qalvanik ayrıcılı izolyasiyaedici ƏG - in sxemləri göstərilmiçdir.
Bu kurs işi 18 səhifə, 5 şəkil və 2 ədəbiyyatdan ibarətdir.


ABSTRACT

The main goal of this course work is to increase our knowledge and skills in the subject "Information measurement systems".

In the coursework, information was prepared about the transformer galvanic separator and the insulating PG that galvanically separates the information processing schemes from the transmitters. Additionally, operational amplifiers and transmitters are reported. In this course work, the main parameters are calculated.
In the coursework, the circuits of the isolation circuit with transformer galvanic separator are shown.
This term paper consists of 18 pages, 5 schools and 2 literature.

MÜNDƏRİCAT

Səh.
GİRİŞ........................................................................................................................6

1. 
   Əməliyyat gücləndiriciləri funksiyası və strukturu..............................................7
   
2. 
   Vericilərin təsnifatı və informasiya-ölçmə sisteminə qoşulması….....................8
   
3. 
   Vericilərlə informasiyanı emaletmə sxemlərini qalvanik ayıran əməliyyat gücləndiriciləri..............................................................................................11
   
4. 
   Transformatorlu qalvanik ayırıcılı izolyasiyaedici əməliyyat gücləndiriciləri...12
   
5. 
   HESABAT..........................................................................................................15
   

NƏTİCƏ..................................................................................................................17
ƏDƏBİYYAT.........................................................................................................18
GİRİŞ

1960-cı illərin birinci yarısında analoq hesablama maşınlarında müxtəlif riyazi əməliyyatların (toplama, çıxma, vurma, inteqrallama, diferensiallama) yerinə yetirilməsi üçün ilk dəfə ƏG (digər sxemotexniki elementlərlə, əsasən rezistorlar və kondensatorlar ilə birgə) istifadə olunurdu. Bu cihazların ənənəvi "əməliyyat gücləndiriciləri" adı məhz bununla izah olunur. Lakin o vaxtdan ƏG-nin tətbiq oblastı əhəmiyyətli dərəcədə genişlənmişdir, və hazırda onlar çox məsələlərin həlli üçün istifadə olunur.

ƏG-lər demək olar ki, həmişə dərin mənfi əks əlaqəyə malik sxemlərdə istifadə olunur. Bu və ƏG-nin yüksək gücləndirmə əmsalına malik olması onun əsasında qurulmuş sxemin ötürmə əmsalını çox asan müəyyən etməyə imkan verir. Belə ki, ƏG əsasında yardılmış sxemin parametrlərini yalnız xarici komponentlərin qiyməti müəyyən edir.
Yüksək keyfiyyətli müasir ƏG-lər mikrosxem şəklində buraxılır. Kiçik ölçüləri, yüksək etibarlılığı və ucuz qiyməti ƏG-ləri analoq sxemotexnikasının əsas aktiv elementinə çevirmişdir.
ƏG-nin əsas təyinatı, praktiki olaraq yalnız əks-əlaqə dövrəsinin xassəsindən asılı olan, dəqiq sintez olunmuş ötürmə funksiyasına malik olan sxemlərin yaradılmasından ibarətdir. ƏG əsasında yüksək dəqiqlikli miqyaslayıcı gücləndiriclər, funksional generatorlar, gərginlik və cərəyan stabilizarorları, aktiv süzgəclər, loqarifmləyici və antiloqarifmləyici gücləndiricilər, inteqrallayıcılar və diferensiallayıcılar və s. yaradılır. Ümumi istifadə üçün ƏG-nin 100-dən çox standart qoşulma sxemi vardır.